Яңалыклар
Россия инновацион регионнары ассоциациясе (РИРА) әгъзалары булган регионнарга кластерлы инициативаларны гамәлгә ашыруда эшне көчәйтергә кирәк. Бу хакта бүген Татарстан Республикасы Президенты вазыйфаларын вакытлыча башкаручы, РИРА советы рәисе Рөстәм Миңнеханов белдерде.
Татарстан Республикасы ныгып килүче Россия-Куба мөнәсәбәтләрендә тоташтыручы звено булырга мөмкин. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Сәүдә-икътисадый һәм фәнни-техник хезмәттәшлек буенча Россия-Куба хөкүмәтара комиссиясенең 13 нче утырышында хәбәр итте.
Утырыш Казанда «Корстон» КСККда узды. Утырышны Россия Федерациясе Хөкүмәте Рәисе урынбасары, Сәүдә-икътисадый һәм фәнни-техник хезмәттәшлек буенча Россия-Куба хөкүмәтара комиссиясе рәистәше Дмитрий Рогозин һәм Куба Республикасы Министрлар Советы Рәисе урынбасары, Сәүдә-икътисадый һәм фәнни-техник хезмәттәшлек буенча Россия-Куба хөкүмәтара комиссиясе рәистәше Рикардо Кабрисас алып барды.
Бүген Чаллыга эш сәфәре белән «Газпром» ААҖ идарәсе рәисе Алексей Миллер килде. Визитның максаты – «КАМАЗ» ААҖдә табигый газда эшләүче техника җитештерү линиясен ачу тантанасын.
«Газпром» ААҖ идарәсе рәисе, Алексей Миллер, Татарстан Республикасы Президенты вазыйфаларын вакытлыча башкаручы Рөстәм Миңнеханов, «КАМАЗ» ААҖ генераль директоры Сергей Когогин һәм Чаллы Башкарма комитеты җитәкчесе НаильМәһдиев белән бергә, «КАМАЗ» ААҖдә табигый газда эшләүче техника җитештерү линиясен ачу тантанасында катнашты.
Алексей Миллер һәм Рөстәм Миңнеханов, тантанада катнашучылар «КАМАЗ» шассисы базасында газ техникасын җитештерүнең технологик чылбыры, шулай ук газ баллоны җайланмаларын урнаштыру үзенчәлекләре белән таныштылар.
Нефть-газ комплексы – бүген Татарстан икътисадының төп элементы. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов"Түбән Кама нефть химиясе" ҖАҖ акционерларының еллык гомуми җыелышында хәбәр итте. Чарада шулай ук "Түбән Кама нефть химиясе" ҖАҖ генераль директоры Азат Бикмурзин, "Таиф" ААҖ генераль директоры Альберт Шиһабетдинов, Түбән Кама муниципаль районы башлыгы Айдар Метшин һәм башкалар катнашты.
Чарада катнашучыларны сәламләп, Рөстәм Миңнеханов билгеләп үткәнчә, "Түбән Кама нефть химиясе" ҖАҖ Россиядә генә түгел, бөтен Европада иң эре предприятиеләрдән санала.
Экспозиция “Россия Гадәттән тыш хәлләр министрлыгының ТР буенча баш идарәсенең Кризиска каршы идарә үзәге” территориясендә урнашкан иде (Казан, Яруллин ур., 1.).
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Татарстан Республикасы Түбән Кама муниципаль районына эш сәфәре белән барды.
Рөстәм Миңнеханов башта "Түбән Кама нефть химиясе" ҖАҖдә булды. Рөстәм Миңнехановны "Түбән Кама нефть химиясе" ҖАҖ генераль директоры Азат Бикмурзин, "Таиф" ААҖ генераль директоры Альберт Шиһабетдинов, Түбән Кама муниципаль районы башлыгы Айдар Метшин һәм башкалар озата йөрде.
Татарстан Республикасы Президенты вазыйфаларын вакытлыча башкаручы караган беренче объект – изопрен-мономер җитештерүче завод.
Бүген Татарстан Республикасына эш сәфәре белән Россия Федерациясе Хөкүмәте Рәисе урынбасары Дмитрий Рогозин килде. «Казан» халыкара аэропортында Дмитрий Рогозинны Татарстан Республикасы Президенты вазыйфаларын вакытлыча башкаручы Рөстәм Миңнеханов каршы алды.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз