Яңалыклар

15.05.2015

Рөстәм Миңнеханов кандидатурасы партия праймеризында катнашуга тәкъдим ителде

Бердәм Россия" сәяси партиясе праймеризында катнашырга ТРның хәзерге лидеры Рөстәм Миңнеханов кандидатурасын тәкъдим итте. Аны бүген Татарстан Халыклар дуслыгы йортында узган "Татартан - Яңа гасыр" иҗтимагый оешмасы сәяси советының киңәйтелгән утырышында иҗтимагый хәрәкәт исеменнән аның әгъзасы, Чистай шәһәре муниципаль перенаталь үзәге баш табибы Светлана Филиппова тәкъдим итте.

15.05.2015

Рөстәм Миңнеханов «Алабуга» МИЗ ында «Алабуга-Волокно» заводын эшләтеп җибәрүдә катнашты

Бүген «Алабуга» махсус икътисади зонасында углерод җепселе җитештерү буенча завод ачылды. Ачылыш тантанасында ТР Президенты вазыйфаларын вакытлыча башкаручы Рөстәм Миңнеханов һәм “Росатом” ДК генераль директоры урынбасары Александр Локшин, «Композит» ХК генераль директоры Леонид Меламед, «Алабуга» МИЗ Тимур Шаһивәлиев, РФ Сәнәгать һәм сәүдә министрлыгының химик-техник һәм урман сәнәгате комплексы департаменты директоры Владимир Потапкин, Алабуга районы башлыгы Геннадий Емельянов катнашты.

15.05.2015

Илдар Халиков V Республика яшьләр форумы җиңүчеләрен котлады

Бүген Казан IT-паркында V Республика яшьләр форумының финалы узды. Иң яхшы проектлар форумның йомгаклау күргәзмәсендә ТР Премьер-министры Илдар Халиковка тәкъдим ителде. Чарада шулай ук ТР буенча Эчке эшләр министрлыгының ЮХИДИ идарәсе башлыгы Рифкать Миңнеханов, ТР яшьләр эшләре һәм спорт министры урынбасары Рөстәм Гарифуллин, ТР Туризм буенча дәүләт комитеты җитәкчесе Сергей Иванов, “Бердәм Россия” сәяси партиясенең Татарстан төбәк бүлеге башкарма комитеты җитәкчесе Андрей Кондратьев, шулай ук республиканың төрле юнәлешләр буенча эшчәнлек алып бара торган оешмалары җитәкчеләре катнашты.

15.05.2015

Рөстәм Миңнеханов: "Замана җитәкчесе һәрчак белем алырга тиеш"

Бүген Татарстанда республиканың башкарма хакимият органнары җитәкчеләре һәм муниципаль берәмлек башлыкларын укыту буенча "Нәтиҗәле идарә: Стратегия. Гамәлләр. Нәтиҗә" программасы башланды. "Сколково" Мәскәү идарә мәктәбе һәм Казан федераль университеты оештырган чара "Казан" тау-чаңгы комплексында уза. Программаны ачуда ТР Президенты вазsqфаларын вакытлыча башкаручы Рөстәм Миңнеханов һәм "Сколково" Мәскәү идарә мәктәбе ректоры Андрей Шаронов катнашты.

14.05.2015

ТР Хөкүмәте порталында «Алабуга» МИЗда «Алабуга-Волокно» заводын ачу тантанасыннан интернет-трансляция оештырылачак

Иртәгә, 2015 елның 15 маенда, реаль вакыт режимында Татарстан Республикасы Хөкүмәтенең рәсми порталында «Алабуга» махсус икътисадый зонасында «Алабуга-Волокно» заводын ачу тантанасыннан интернет-трансляция оештырылачак.

Тантанада Татарстан Республикасы Президенты вазыйфаларын вакытлыча башкаручы Рөстәм Миңнеханов, «Росатом» ДК генераль директоры Сергей Кириенко, «Композит» холдинг компаниясе» генераль директоры Леонид Меламед, «Алабуга» МИЗ ППТ» ААҖ генераль директоры Тимур Шаһивәлиев һәм башкалар катнашачак.

14.05.2015

Рөстәм Миңнеханов Иваново өлкәсе губернаторы Павел Коньков белән очрашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Иваново өлкәсе губернаторы Павел Коньков белән очрашты. Очрашу Казан Кремлендә узды. Чарада шулай ук Татарстан Республикасы вице-премьеры – Татарстан Республикасы мәгълүматлаштыру һәм элемтә министры Роман Шәйхетдинов та катнашты.

14.05.2015

Рөстәм Миңнеханов: Бюджет чараларын һәм финанс ресурсларын нәтиҗәле файдалану – илнең икътисадын үстерү өчен төп шартларның берсе

Бюджет чараларын һәм финанс ресурсларын нәтиҗәле файдалану – илнең икътисадын үстерү өчен төп шартларның берсе. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов "Дәүләт (муниципаль) финанс контролен үстерү. Законнар, практика, институтлар" II халыкара фәнни-гамәли конференциясенең пленар утырышында хәбәр итте. Чара Казан федераль университетының төп бинасында узды. Утырышта шулай ук Федераль финанс-бюджет күзәтчелеге хезмәте җитәкчесе Александр Смирнов, КФУ ректоры Илшат Гафуров, республика һәм федераль министрлыклары һәм ведомстволары вәкилләре һәм башкалар катнашты.

14.05.2015

Елена Мизулина: Без Татарстан белән хезмәттәшлеккә өметләнәбез

Бүген ТР Министрлар Кабинетында ТР Премьер-министры Илдар Халиков һәм “Илкүләм дан үзәге” төбәкара иҗтимагый фонды вице-президенты Наталья Якунина гаиләләргә һәм аналарга ярдәм итүгә юнәлдерелгән ТР Хөкүмәте программалары комплексы һәм «Святость материнства» - “Ана изгелеге” Бөтенроссия программасын гамәлгә ашыру турындагы килешү имзалады.

13.05.2015

Рөстәм Миңнеханов Иракның Курд автоном районы делегациясе белән очрашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов «Корек Груп» идарә рәисе (Иракның Курд автоном районы) Сирван Барзани белән очрашты. Очрашу Казан Кремлендә узды. Чарада шулай ук Татарстан Республикасы Премьер-министрының беренче урынбасары Алексей Песошин, ТР Президенты ярдәмчесе Радик Гыйматдинов, республиканың эре предприятиеләре вәкилләре һәм Ирак делегациясе әгъзалары катнашты.

13.05.2015

Рөстәм Миңнеханов Татарстан Республикасы Алабуга муниципаль районына эш сәфәре кылды

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Татарстан Республикасы Алабуга муниципаль районына эш сәфәре кылды. Аны Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Алабуга муниципаль районы башлыгы Геннадий Емельянов һәм башкалар озата йөрде.

Искәртәбез, бүген Рөстәм Миңнеханов Татарстанның Менделеевск һәм Алабуга муниципаль районнарына барды. Сәфәренең максаты - җирле аграрийлар белән язгы кыр эшләре турында фикер алышу, "Аммоний" ААҖ объектларын төзү белән танышу, шулай ук берничә мәдәни һәм спорт объектын ачу тантаналарында катнашу.