Бүген Казан Кремлендә Татарстан Республикасы Президенты Рөстәм Миңнеханов рәислегендә ТРда Коррупциягә каршы көрәш эшен җайга салу комиссиясенең чираттагы утырышы узды. Утырышта шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Президенты Аппараты Җитәкчесе Әсгать Сәфәров, республика министрлыклары һәм ведомстволары җитәкчеләре, Татарстан Республикасы муниципаль берәмлекләре башлыклары катнашты.   

Бүген Казанда "Корстон" КСКК мәйданчыгында ТР Президенты каршындагы Эшкуарлык Советының беренче утырышы уздырылачак. Анда Татарстан Республикасы Президенты Рөстәм Миңнеханов, Эшкуарлар хокукларын яклау буенча РФ Президенты каршындагы вәкаләтле вәкил Борис Титов, ТР Президенты каршындагы Эшкуарлар хокукларын яклау буенча вәкаләтле вәкил Тимур Нагуманов, шулай ук Татарстанның бөтен муниципаль берәмлекләреннән килгән 700 эшкуар, Татарстандагы бизнес берләшмәләр һәм иҗтимагый оешмалар җитәкчеләре, эре сәнәгать предприятиеләре вәкилләре һәм башкалар катнаша. 

Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов "ИнноКам" территориаль-аерымланган инновацион-җитештерү үзәге булдыру концепциясе буенча эш төркеме утырышында катнашты. 

Утырышны Россия Федерациясе Хөкүмәте Рәисе урынбасары Аркадий Дворкович үткәрде. 

Бүген Татарстан Республикасы Дәүләт Киңәшчесе, "Яңарыш" республика фондының Попечительләр советы рәисе Минтимер Шәймиев скульптор һәм рәссам, Россия Рәссамнар берлеге әгъзасы Рөстәм Габбасов күргәзмәсендә булды.

Япониянең “Иида Сангё” компаниясе “Алабуга” махсус икътисади зона территориясендә үзенең офисын ачарга ниятли.

Бүген бу хакта ТР Хөкүмәте йортында узган Татарстан делегациясенең Япониягә эшлекле сәфәре йомгакларына багышланган брифингта ТР Инвестицион-венчур фонды директоры Айнур Айдельдинов сөйләде.

Бүген ТР Хөкүмәте йортында ТР Президенты Рөстәм Миңнеханов җитәкчелегендәге Татарстан делегациясенең Россия Федерациясе Сәнәгать һәм сәүдә министры Денис Мантуров җитәкчелегендәге Россия делегациясе составында Япониягә эшлекле сәфәре йомгакларына багышланган брифинг уздырылды. “Татар-информ” МА үз вакытында 29 февральдән 1 мартка кадәр дәвам иткән бу сәфәр кысаларында оештырылган чаралар, очрашулар турында мәгълүмат биреп барса, брифингта ТР Инвестицион үсеш агентлыгы җитәкчесе Талия Миңнуллина, ТР Инвестицион-венчур фонды директоры Айнур Айдельдинов, “Иннополис” махсус икътисади зона” АҖ генераль директоры Игорь Носов, “Аммоний” АҖ Директорлар советы рәисе Ринат Ханбиков алар хакында тәфсилләбрәк сөйләде.

Бүген Татарстан Республикасы Президенты Рөстәм Миңнеханов   «А.П.Обыденнов исемендәге Казан автотранспорт техникумы» ДАҖМУ базасында оештырылган ресурс үзәгендә булды.

Рөстәм Миңнехановны Татарстан Республикасы Премье-министры урынбасары – мәгариф һәм фән министры Энгель Фәттахов, Казан автотранспорт техникумы директоры Рөстәм Галәвов һәм башкалар озата йөрде.

Техникум фойесында кунаклар өчен уку йорты эшчәнлегенә багышланган тәкъдир итү оештырылган иде. Бүген Казан автотранспорт техникумында 2042 кеше укый, шул исәптән бюджетта – 1874 кеше. Мөгаллимнәр составын 130 кеше тәшкил итә, техникум хезмәткәрләре барлыгы – 254.

Кадерле хатын-кызлар!

Сезне чын күңелдән 8 Март – Халыкара хатын-кызлар көне белән котлыйм.

Әлеге бәйрәмне билгеләп үтү күптән күркәм традициягә  әйләнде һәм, мәхәббәт, матурлык  тантанасы булып, безнең күпмилләтле халкыбыз тормышында ныклы урын алды. Балачактан ук 8 Март йөрәкләрдә  якты хатирәләр калдырган. Үсмер чакта бу бәйрәмдә әниләрне һәм дәү әниләрне, өлкәнәя төшкәч, әле тагын сөеклеләребезне, ә олыгайгач, кадерле кызларыбызны һәм оныкаларыбызны тәбриклибез.

Хатын-кызның гаиләдәге, җәмгыятьтәге, коллективтагы роле бүген бик мөһим. Хатын-кызлар үзләрен яхшырак хис итә торган эш юнәлешләре бар, әмма тулаем белгечләрне хатын-кызларга һәм ир-атларга аеру дөрес түгел – һәркем үз эшенең остасы булырга тиеш. 

Бүген бу хакта Татарстан Республикасы Президенты Рөстәм Миңнеханов федераль һәм республика массакүләм мәгълүмат чараларының хатын-кыз вәкилләре белән очрашуда хәбәр итте.

Очрашу, 8 нче март Халыкара хатын-кызлар көненә багышланып, Татарстан Республикасы Хөкүмәте Йортында узды. 

Бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов 2015 елда республика кулланучылар кооперациясе эшчәнлеге һәм 2016 елга бурычлары турында мәгълүмат  бирде. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин та катнашты.