Бөек Җиңү Көнендә Иннополис шәһәр паркында тантаналы рәвештә стела ачылды. Стела ныклык һәм каһарманлыкны, Ватанны саклаучыларга һәрвакыт рәхмәт белдерүне символлаштыра. Монументның концепциясе архитекторлар командасы һәм Иннополис мэриясе тарафыннан эшләнгән.

Миллионнарча гади совет гражданнарының тиңдәшсез батырлыгы һәм кыюлыгы нәтиҗәсендә безнең ил, тарихтагы иң куркыныч һәм канкойгыч сугышта җиңү яулап, нык торды. Бу хакта бүген Татарстан Республикасы Рәисе Рөстәм Миңнеханов Бөек Ватан сугышында Җиңүнең 80 еллыгы уңаеннан уздырылган тантаналы кабул итүдә белдерде. Чара Казан Кремлендә узды. Тантанада Татарстан Дәүләт Киңәшчесе, Россиянең Хезмәт Герое Минтимер Шәймиев, Татарстан Премьер-министры Алексей Песошин, Казан мэры Илсур Метшин, Бөек Ватан сугышы ветераннары катнашты.

Бүген Казанның Меңьеллык мәйданында Бөек Ватан сугышында Җиңүнең 80 еллыгы уңаеннан Казан гарнизоны гаскәрләре тантаналы узды. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Казан мэры Илсур Метшин, Бөек Ватан сугышы ветераннары катнашты.

Бүген, Җиңү Көнендә, Татарстан Рәисе Рөстәм Миңнеханов махсус хәрби операциядә катнашучыларга мемориаль комплекс төзелеше урынында истәлек ташы куюга багышланган тантаналы митингта катнашты. Тантана Җиңү паркында узды. Чарада Татарстан Дәүләт Киңәшчесе, Россиянең Хезмәт Герое Минтимер Шәймиев, ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Казан мэры Илсур Метшин, МХОдә катнашучылар катнашты.

Татарстан Рәисе Рөстәм Миңнеханов Казанда Җиңү паркында булды һәм Дан Мемориалы Колоннадасының Мәңгелек утына чәчәкләр салды. Тантанада шулай ук Татарстан Дәүләт Киңәшчесе, Россиянең Хезмәт Герое Минтимер Шәймиев, ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Казан мэры Илсур Метшин катнашты.

Бүген Казанның Арча зиратында Бөек Ватан сугышы сугышчыларын искә алдылар. Хәрби каберләргә чәчәкләрне Татарстан Премьер-министры Алексей Песошин, ТР вице-премьеры Министрлар Кабинеты Аппараты Җитәкчесе Шамил Гаффаров, Бөек Ватан сугышы ветераннары, патриотик һәм яшьләр оешмалары вәкилләре салды.

Татарстан Республикасы Рәисе Рөстәм Миңнехановның Бөек Ватан сугышында Җиңүнең 80 еллыгы уңаеннан мөрәҗәгате.

Бүген ТатарстанРәисе Рөстәм Миңнеханов Харис хәзрәт Салихов белән очрашты. Очрашу Рөстәм Миңнехановның ТР Хөкүмәте Йортындагы эш кабинетында узды. Очрашуда ТР Рәисе Администрациясе Җитәкчесе Әсгать Сәфәров катнашты.

Рөстәм Миңнеханов Харис Салих улын Бөек Ватан сугышында Җиңүнең 80 еллыгы белән котлады, ветеранга ныклы сәламәтлек теләде.

80 ел узса да, югалтулар әрнүе һәм җиңү шатлыгы әлегә кадәр һәр гаиләдә, илебезнең һәр почмагында яши. Туган җиребез өчен көрәшкән солдатларның батырлыгын да, тылда җиңү өчен хезмәт иткән кешеләрнең ныклыгын да заман йөрәкләребездән сызып ташламады. Бу хакта бүген Татарстан Республикасы Рәисе Рөстәм Миңнеханов Бөек Ватан сугышында Җиңүнең 80 еллыгына багышланган тантаналы чарада белдерде.

Тантана Казанда Муса Җәлил исемендәге ТДАОһәмБТда узды. Чарада Татарстан Дәүләт Киңәшчесе, Россия Федерациясе Хезмәт Герое Минтимер Шәймиев, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, министрлыклар һәм ведомстволар вәкилләре, сугыш һәм хезмәт ветераннары, махсус хәрби операциядә катнашучылар, дин вәкилләре катнашты.

Бүген Казанның «Яшьләр» скверында язучы, фронтовик шагыйрь Фатыйх Кәримгә һәйкәл ачу тантанасы узды.

Ачылышта Татарстан Рәисе Рөстәм Миңнеханов, Татарстан Республикасы мәдәният министры Ирада Әюпова, Татарстан Республикасы Язучылар берлеге рәисе Ркаил Зәйдулла, Татарстан Республикасы Халык шагыйре Ренат Харис, җәмәгатьчелек вәкилләре катнашты.

Чара Бөек Ватан сугышында Җиңүнең 80 еллыгын бәйрәм итүгә багышланды.