Яңалыклар
07.04.2011
Бүген ТР Премьер-министры Илдар Халиков Түбән Камада Нефть эшкәртү һәм нефть химиясе заводлары комплексы төзелеше буенча республика штабы утырышын үткәрде. Киңәшмә башланыр алдыннан ТР Хөкүмәте башлыгы «Татнефть» ААҖ генераль директоры Шәфәгать Тәһаутдинов, “ТАНЕКО” ААҖ генераль директоры Хәмзә Баһманов һәм башка җитәкчеләр озатуында комплексның җитештерү мәйданчыкларында булды.
07.04.2011
6 апрельгә булган мәгълүматларга караганда, республикада торакны сафка бастыру буенча еллык биремнең әлегә 23 проценты үтәлгән, ягъни 546 мең кв. метр мәйданда торак сафка бастырылган. Бу күрсәткеч, узган елның шул чорына караганда, 2 процентка артыграк. Быел сафка бастырылган мәйданнарның зур өлеше төзелеше узган елларда башлап калдырылган объектларга туры килә. Бу хакта бүген ТР Хөкүмәт йортында видеоконференция режимында узган киңәшмәдә ТР төзелеш, архитектура һәм торак-коммуналь хуҗалык министры Ирек Фәйзуллин сөйләде. Республикада торакны сафка бастыру мәсьәләләренә багышланган киңәшмә ТР Президенты Рөстәм Миңнеханов рәислегендә узды. Аның эшендә шулай ук Премьер-министр Илдар Халиков катнашты.
06.04.2011
Узган елның декабрендә Татарстанда агачларга көчле боз кату 30 мең гектардан артык мәйданда урманнарның һәлак булуына китерде. Әлеге саннар бүген ТР Министрлар Кабинеты Президиумы утырышында яңгырады. Республика урман хуҗалыгында агачларга боз кату нәтиҗәләрен бетерүгә багышланган утырыш Премьер-министр Илдар Халиков рәислегендә үтте.
05.04.2011
ТР Президенты Рөстәм Миңнеханов бүген Мәскәүдә “Ford” компаниясе һәм “Соллерс”ААҖ топ-менеджменты вәкилләре белән очрашты. Яклар “Алабуга” махсус икътисади зонасында “Ford” автомобильләрен җитештерү проектын гамәлгә ашыруга әзерлек мәсьәләсен карады.
05.04.2011
29 апрельдә “Пирамида” мәдәният-күңел ачу үзәгендә быелгы “Созвездие-Йолдызлык” фестиваленең гала-концерты узачак. Республиканың 9 шәһәрендә үткән фестивальнең сайлап алу турлары нәтиҗәсендә, 18-22 апрель көннәрендә Казанда узачак суперфиналга 3300 егет һәм кыз чыккан. Бу хакта бүген ТР Министрлар Кабинетында узган брифингта ТР яшьләр эшләре, спорт һәм туризм министры Рәфис Борһанов, “Созвездие-Йолдызлык” фестиваль хәрәкәтенең генераль продюсеры Дмитрий Туманов, башкаручы директор Ландыш Шәрәфетдинова сөйләде.
04.04.2011
Согуд Гарәбстаны Корольлеге белән Татарстан арасындагы мөнәсәбәтләр үсеше нигезендә мәдәни элемтәләр ята. Бүген ТР Министрлар Кабинетында Согуд Гарәбстаны делегациясе белән очрашуда ТР Премьер-министры урынбасары Зилә Вәлиева шулай дип белдерде. Делегацияне Согуд Гарәбстанының РФ дәге Гадәттән тыш һәм Тулы вәкаләтле илчесе Али Хәсән Җәгъфәр белән мәдәният һәм мәгълүмат министры урынбасары Абдел Азиз бин Салих бин Сәлам җитәкли. Согуд Гарәбстаны делегациясе Татарстанга Ислам китапханәсе ачылышында катнашу өчен килде.
04.04.2011
Бүген ТР Премьер-министры Илдар Халиков -“Татарстан” ДТРК төбәк департаменты җитәкчесе - генераль директоры урынбасары Рифат Сабитов белән очрашты.
04.04.2011
4-8 апрель көннәрендә РФ Президенты каршындагы Россия халык хуҗалыгы һәм дәүләт хезмәте академиясе базасында (Мәскәү) Россия Федерациясе субъектларының югары вазифа биләүче затлары өчен оештырылган өстенлекле социаль-икътисади мәсьәләләргә багышланган семинар уза. Семинарда Татарстан Республикасы Президенты Рөстәм Миңнеханов та катнаша.
03.04.2011
Бүген Татарстан Президенты Рөстәм Миңнеханов борынгы Болгар шәһәрендә төзелеш һәм реставрация объектларында булды.
01.04.2011
Бүген Түбән Камада “Түбән Кама нефтехим” ААҖ завод идарәсендә Россия Федерациясе энергетика министры урынбасары Сергей Кудряшов рәислегендә Татарстан белән Башкортстанның нефть, газ, химия өлкәсен үстерү мәсьәләсенә багышланган киңәшмә узды.
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз