Татарстан белән Германия Федератив Республикасы арасындагы хезмәттәшлек мәсьәләләре бүген ТР Президенты Рөстәм Миңнехановның Бундестагның Алмания-Россия парламент төркеме рәисе Бернхард Кастер белән очрашуында күтәрелде. Бернхард Кастер җитәкчелегендәге Алмания-Россия парламент төркеме әгъзалары, билгеле булганча, бу көннәрдә Казанда эш сәфәрендә.

Бүген, Мәскәүдәге сәфәреннән соң, Халыкара Олимпия комитеты әгъзасы Хулио Сезар Маглионе президентлыгындагы йөзү буенча халыкара федерациянең (FINA) инспекция комиссиясе 2015 яки 2017 елда үзендә су спорты төрләре буенча дөнья чемпионаты уздыру хокукына дәгъва иткән Казанда инспекция белән йөрде.

Илдә урман янгыннары белән бәйле вәзгыять – контрольдә. Бу хакта бүген Казанда эш сәфәрендә булган РФ Хөкүмәте рәисенең беренче урынбасары Виктор Зубков белдерде.
РФ Президенты бүләгенә ат чабышларын оештыру комитеты утырышыннан соң, Виктор Зубков журналистлар белән булган әңгәмәсендә җиткергәнчә, быел урман янгыннарына дучар булган мәйданнар, узган елга караганда, күбрәк, шул ук вакытта 2008, 2009 елларга караганда сизелерлек ким. “Янгыннар бар, ләкин аларның барысы да быел контрольдә тотыла”, - дип ассызыклады ул.

Бүген “Кзан ярминкәсе” АҖ территориясендә “Машина төзелеше. Металл эшкәртү. Казан” 11 нче халыкара һәм “Technoсварка” 6 нчы махсуслаштырылган күргәзмәләрен ачу тантанасында булды. Чарада Россия һәм дөньяның 13 иленнән 130 компаниянең 800дән артык вәкиле катнаша.

Казанда Россия Президенты бүләгенә ат чабышларына әзерлек югары дәрәҗәдә. Бу хакта бүген РФ Хөкүмәте Рәисенең беренче урынбасары Виктор Зубков журналистларга РФ Президенты бүләгенә ат чабышларына әзерлек һәм үткәрү буенча оештыру комитетының өченче утырышы тәмамлангач белдерде. Бу чара ТР Хөкүмәт йортында Татарстан Президенты Рөстәм Миңнеханов катнашында узды.

Бүген Казанга РФ Хөкүмәте рәисенең беренче урынбасары Виктор Зубков килде. "Казан" халыкара һава аланында аны ТР Президенты Рөстәм Миңнеханов, ТР вице-премьеры - ТР авыл хуҗалыгы һәм азык-төлек министры Марат Әхмәтов, ТР эчке эшләр министры Әсгать Сәфәров һәм башка рәсми затлар каршы алды.

Бүген Татарстан Республикаксы Президенты Рөстәм Миңнеханов Бөек Ватан сугышы ветераны, Советлар Союзы Герое Сабир Әхтәмовны 85 яшьлеге белән котлады. Бу чара Казан Кремлендә булды.

Ветеранны котларга ТР Президентының социаль мәсьәләләр буенча ярдәмчесе Татьяна Ларионова, ТР буенча Эчке эшләр министрлыгы җитәкчесе Әскать Сәфәров, ТР хезмәт, мәшгульлек һәм социаль яклау министры Айрат Шафигуллин, “Татарстан Геройлары” Иҗтимагый оешмасы рәисе, Татарстан Республикасы сугыш һәм хәрби хезмәт ветераннары Иҗтимагый оешмасы рәисе Әхәт Юлашев котлады.

Халыкара йөзү федерациясенең инспекция комиссиясе Казанның спорт су төрләре буенча 2015-2017 елларда Дөнья чемпионатына дәгъвә белдерүе кысаларында Мәскәүгә килде.
Кичә РФ Хөкүмәт Рәисе Владимир Путин һәм РФ спорт, туристлык һәм яшьләр сәясәте министры Виталий Мутко комиссия белән очрашты.

Бүген Казанда “ЭКОлидер” һәм “Кеше һәм табигать” республика конкурсларында җиңүчеләрне бүләкләү тантанасы булды. Бу чарада ТР Премьер-министры Илдар Халиков, ТР Дәүләт Советы Рәисе урынбасары Римма Ратникова, ТР экология һәм табигать ресурслары министры Артем Сидоров, ТР урман хуҗалыгы министры Наил Мәгъдиев һ.б. катнашты.