Бүген Идел елгасының Кама Тамагы районы Сөйки авылы янында, нәкъ бер ел элек “Булгария” теплоходы баткан урында фаҗига корбаннары истәлегенә мемориал ачылды.

Казанда 27 нче җәйге Бөтендөнья Универсиадасы ачылышына бер елдан азрак вакыт калып бара. Калган вакытны хәзер әзерлек эшләрендә тагын да нәтиҗәлерәк файдаланырга кирәк булачак. Бүген ТР Хөкүмәт йортында РФ транспорт министры Максим Соколов рәислегендә узган киңәшмәдә шуңа басым ясалды. 2013 елгы Казан Универсиадасына транспорт инфраструктурасы объектлары төзелеше, транспорт объектларында иминлекне тәэмин итү киңәшмәдә күтәрелгән төп тема булды. Ул РФ Президенты киңәшчесе Игорь Левитин, РФ Президентының Идел буе федераль округындагы Вәкаләтле вәкиле Михаил Бабич, ТР Президенты Рөстәм Миңнеханов, Премьер-министр Илдар Халиков, Казан шәһәре мэры Илсур Метшин һ.б.катнашында узды.

Татарстанда урта белем алганнардан 303 укучыга быел, БДИ сынавын уза алмау сәбәпле, аттестат бирелми. Алар мәҗбүри тапшырылырга тиешле рус теле һәм математикадан имтиханнарның яки икесе дә уңышсыз булган, яки шуларның берсен ике тапкыр тапшырганда да минималь балл җыя алмаган. Алар алдагы икенче “дулкын”да имтихан тапшырырга хокуклы түгел, шулай да, киләсе һәм аннан соңгы елларда чикләнмәгән тапкыр янә БДИ сынавы уза ала. Быел рус теленнән минималь “бусага” - 36 балл, математикадан – 24, һәм болар 2011 елдагыча. Былтыр исә шундый уңышсызлар саны 436 булган, 2010 елда – 661, аннан алдагы елда – 1786.

10-12 июльдә ТР Дәүләт Киңәшчесе, ТР тарих һәм мәдәният һәйкәлләрен торгызу Республика Фондының Попечительләр Советы Рәисе Минтимер Шәймиев Франция Республикасына эшлекле сәфәр кыла.

Бүген Татарстанга эшлекле сәфәре белән РФ транспорт министры Максим Соколов килде. “Казан” халыкара аэропортында РФ Транспорт министрлыгы башлыгын һәм РФ Президентының тулы вәкаләтле вәкилен ТР Президенты Рөстәм Миңнеханов каршы алды.

ТР Президенты Рөстәм Миңнеханов бүген Үзбәкстанның РФ дәге Гадәттән тыш һәм Тулы вәкаләтле илчесе Зиядулла Пулатходжаев белән очрашты. Яклар мәдәният, фән, икътисад, социаль өлкәләрдә алга таба хезмәттәшлек хакында фикерләште.

Татарстан нефтьчеләре дә, бөтен республика кебек, Краснодар краенда булган фаҗигагә битараф калмаячак. Бу хакта, Карабаш бистәсендә “нефть саммиты” катнашучылары фаҗигадә һәлак булганнар истәлегенә бер минут тын торганнан соң, Татарстан Президенты Рөстәм Миңнеханов әйтте.

Бүген Татарстан Президенты Рөтәм Миңнеханов "Сәләт" Халыкара яшьләр форумында катнашты, ул ТР Алексеевски районының Биләр тыюлыгы территориясендә үтә. Быел фестиваль 16 нчы тапкыр уздырыла. Татарстан Республикасы Президенты Р.Н. Миңнехановның “Сәләт” балалар һәм яшьләр интеллектуаль иҗатының XV Республика фестиваль-конкурсында 2011 елның 10 июленнән биргән №ПР-123 йөкләмәсе нигезендә, быел 2012 елның 4 июленнән алып, 10 июльгә кадәр тарихта беренче тапкыр Болгар дәүләт тарихи-архитектур музей тыюлыгында һәм Биләр тыюлыгында 3000 кеше катнашында “Сәләт” Халыкара яшьләр уку-укыту форумы үтә.

Татарстан Президенты Рөстәм Миңнеханов ТРның муниципаль берәмлекләре башлыкларына федераль закон кысаларында, аларда эшләүче кешеләрнең иң аз югалтулары булсын өчен, базарлар эшен оештыру буенча тәкъдимнәр әзерләргә кушты.

Бүген Казанда ЮНЕСКО Бөтендөнья мирасының Яшьләр моделен уздыру кысаларында "Бөтендөнья мәдәни һәм табигый мирасны саклау турында"гы 1972 елгы Конвенцияне куллану механизмнарын яхшырту, Бөтендөнья мәдәни мирас объектларын үстерүдә һәм танытуда яшьләрнең катнашуы турындагы мәсьәләләр буенча дискуссия булды.