Яңалыклар

12.03.2014

Татарстан Премьер-министры Илдар Халиков Монреаль технопаркында булды

Татарстан Республикасы Премьер-министры Илдар Халиков бүген Канададагы эшлекле очрашу кысаларында Монреаль технопаркында булды.
Илдар Халиковны озата баручы Татарстан делегациясе составында ТР сәламәтлек саклау министры Гадел Вафин, ТР транспорт һәм юл хуҗалыгы министры Ленар Сафин, РФнең АКШтагы сәүдә-икътисад вәкиллеге каршындагы Татарстан Республикасының сәүдә-икътисад вәкиле Равил Нигъмәтҗанов һәм башка рәсми затлар бар.

12.03.2014

2014 нче ел башы безнең өчен упкынга тиң – ТР вице-премьеры Шамил Гафаров республика юлларындагы вазгыять турында

Бүген Татарстан Хөкүмәтенең профильле комиссиясе утырышында вице-премьер – ТР Министрлары Кабинеты Аппараты җитәкчесе Шамил Гафаров республика юлларында иминлекне тәэмин итү мәсьәләләрендә ведомствоара багланышны тәнкыйтьләде.

Утырышны ачканда, ул 2013 нче ел нәтиҗәсен канәгатьләнерлек түгел диде. Аның сүзләренчә, 2014 нче елның гыйнвары һәм феврале гомумән “упкынга тиң”, чөнки бу вакытта соңгы биш елның хисап күрсәткечләре дә арткан.

12.03.2014

Рөстәм Миңнеханов Татарстан чаңгычысын Паралимпиада медален алуы белән котлады

Бүген Татарстан Республикасы Президенты Рөстәм Миңнеханов чаңгычы Марта Зәйнуллинаны һәм аның тренеры Фәридә Сафиуллинаны Сочидагы кышкы Паралимпия уеннарының 1 километрга чаңгы спринтының "утырган килеш" төрендә бронза медален яулалулары белән котлады.

12.03.2014

Минтимер Шәймиев Мәскәүгә китте

Бүген Татарстан Республикасының Дәүләт Киңәшчесе Минтимер Шәймиев, Украинаның Югары рада депутаты Мостафа Җәмилев үтенече буенча, Кырымдагы вазгыять турында сөйләшү өчен Мәскәүгә китте.

12.03.2014

Илдар Халиков Татарстан Республикасы делегациясе белән Канадага килде

11-13 март көннәрендә ТР Премьер-министры Илдар Халиков Татарстан делегациясе белән Канадага эшлекле очрашуга килде.

ТР Премьер-министры булачак беренче шәһәр - Монреаль (Квебек провинциясе). Монда ТР Хөкүмәте башлыгы 30 дан артык компаниянең штаб-фатирлары һәм фәнни-тикшеренү бүлекчәләре урнашкан җирле Технопарк эшчәнлеге белән танышачак. Технопарк территориясендә Квебек һәм чит ил фирмалары эшләгән алдынгы проектлар гамәлгә ашырыла

11.03.2014

Рөстәм Миңнеханов Кырым Автономияле Республикасы Югары Советының чираттан тыш утырышында катнашты

Бүген Татарстан Республикасы Президенты Рөстәм Миңнеханов Кырым Автономияле Республикасына эш сәфәре белән барды.

Татарстан Президенты Кырым Автономияле Республикасы Югары Советының чираттан тыш утырышында катнашты һәм депутатлар алдында чыгыш ясады. «Безнең планнарыбыз зур. Без сезнең белән тыгыз элемтәләр урнаштырырга телибез, - диде Рөстәм Миңнеханов. – Татарстан Республикасы - зур потенциаллы республика. Без мөнәсәбәтләребез кысаларында «юл картасы» әзерлибез инде».

11.03.2014

Традицион брифинг кысаларында журналистларга Татарстанда узган министрлыклар һәм ведомстволарның коллегияләре һәм шулай ук ТР муниципаль район советлары сессияләре нәтиҗәләре турында сөйләделәр

Татарстан Республикасында узган министрлыклар һәм ведомстволар коллегияләре һәм шулай ук ТР муниципаль район советлары сессияләре нәтиҗәләре турында бүген Татарстан Республикасы Хөкүмәте Йортында булган брифингта сөйләделәр. Анда ТР Премьер-министр урынбасары – ТР Министрлар Кабинеты Аппараты җитәкчесе Шамил Гафаров һәм ТР Президент Аппараты җитәкчесе урынбасары – ТР Президентының Төбәкләр белән эшләү буенча идарә башлыгы Илнур Гарипов катнашты.
Брифинг гадәттәгечә Татарстанның барлык муниципаль районнары белән видеоконференцэлемтә режимында узды, шулай ук интернет челтәрендә (www.prav.tatarstan.ru) трансляцияләнде.

10.03.2014

Рөстәм Миңнеханов Рушан Миңнегуловны һәм аның тренеры Радик Миңнегуловны XI Паралимпия кышкы уеннарында 20 километрга чаңгы ярышларында яулаган җиңүләре белән котлады

Бүген Татарстан Республикасы Президенты Рөстәм Миңнеханов, халыкара класслы спорт мастеры Рушан Миңнегуловны һәм аның тренеры Радик Миңнегуловны XI Паралимпия кышкы уеннарында 20 километрга чаңгы ярышларында яулаган җиңүләре белән котлап, Хөкүмәт телеграммасы җибәрде.

09.03.2014

Минтимер Шәймиев Наина Ельцина белән очрашты

Бүген Татарстан Республикасы Дәүләт Киңәшчесе Минтимер Шәймиев Наина Ельцина белән очрашты.
Наина Ельцина Казанга бүген иртән килде һәм Казан теннис академиясендә булды, анда “Ельцин кубогы” ITF сериясенең Халыкара яшүсмерләр теннис турниры бара. Бу турнир Казанда дүртенче тапкыр уздырыла. Быел ярышларда дөньяның 11 иленнән 110 нан артык теннисчы катнаша. Наина Ельцина турнирның финал матчларында булды һәм җиңүчеләрне бүләкләү тантанасында катнашты.

08.03.2014

8 март – Халыкара хатын-кызлар көне уңаеннан Татарстан Республикасы Президенты Р.Н. Миңнеханов МӨРӘҖӘГАТЕ

Кадерле ханымнар, туташлар!
Сезне 8 март – Халыкара хатын-кызлар көне уңаеннан чын күңелдән тәбрик итәм!
Бу гүзәл бәйрәм яз кояшының тәүге нурларына күмелеп, балкып килә, ир-егетләрнең күңелендә якты, нечкә хисләр уята. Әлеге күренешнең асылында, һичшиксез, тирән фәлсәфә ята: якыннарына, туганнарына җан җылысы, наз өләшеп, хатын-кызларыбыз, нәкъ кояш кебек үк, тормышыбызга тынычлык, иминлек һәм ямь иңдерә.