Якын көннәрдә Универсиада, туристлык объектларында, Татарстан Республикасы министрлыклары һәм ведомстволарының басма продукциясендә Интернет челтәрендәге тиешле сайтларга смартфон һәм коммуникаторлар ярдәмендә тиз арада керү өчен махсус кодлар барлыкка киләчәк. Бүген ТР Хөкүмәте йортында узган киңәшмәдә tag-кодларны куллану перспективалары хакында фикер алыштылар. Киңәшмәне республика Премьер-министры Илдар Халиков үткәрде.

“2013 елгы Универсиада башкарма дирекциясе” коммерцияле булмаган автоном оешмасында 2011 елда Шеньженьда (Кытай) 26 нчы җәйге Универсиаданы ябу нәтиҗәләре буенча РФ Хөкүмәте Рәисенең беренче урынбасары Игорь Шувалов белән телекүпер оештырылды. Телекүпердә ТР Премьер-министры Илдар Халиков (Казанда) һәм Татарстан башкаласы мэры Илсур Метшин (Шеньженьда) катнашты.

Казанда узучы спорт чаралары барышында рухи уңайлылык һәм ирек дәрәҗәсе Кытайдагыга караганда югарырак. Кичә РФ Хөкүмәте Рәисенең беренче урынбасары, 2013 елда Казанда узачак Универсиадага әзерлек һәм аны үткәрү буенча оештыру комитеты башлыгы Игорь Шувалов FISU флагын Шеньженьнан Казанга тапшыру тантанасыннан соң үткәрелгән видеоконференция барышында әнә шулай дип белдерде.

Бүген ТР Министрлар Кабинетында "Татнефтехиминвест-холдинг" ААҖ директорлар советы утырышы узды. Утырышны ТР Президенты, "Татнефтехиминвест-холдинг" ААҖ директорлар советы рәисе Рөстәм Миңнеханов үткәрде.

Катализ институты профессоры Зинфәр Исмәгыйлев һава кислородына нигезләнгән җайланманы үзләштерү тәҗрибәсе турында сөйләде.

ТР делегациясенең Бразилия Федератив Республикасына булган эшлекле сәфәре турында бүген ТР Президентының Тышкы элемтәләр Департаменты директоры - ТР Президентының халыкара мәсьәләләр буенча ярдәмчесе Искәндәр Мөфлиханов сөйләде. ТР делегациясен ТР Президенты Рөстәм Миңнеханов җитәкләгән иде. Эшлекле сәфәр 2011 елның 15-19 август көннәрендә булды.

Брифинг ТР Хөкүмәт йортында үтте.

Бу Татарстан җитәкчелегенең Латин Америкасы илләренә беренче визит булды. Рөстәм Миңнеханов һәм аны озатып йөргән затлар Бразилиянең иң зур шәһәрләренә - Рио-де-Жанейро, Сан-Паулу һәм башка калаларда булды.

25-26 августта Татарстан Республикасында Мәскәү көннәре үткәреләчәк. Шул уңайдан Казанга Мәскәү мэры урынбасары Александр Горбенко җитәкчелегендә рәсми делегация килүе көтелә. Аның составында Мәскәү Хөкүмәтеннән рәсми затлар дистәдән артык була, шулай ук бизнес-бергәлекнең 47, мәдәният өлкәсенең 60лап вәкиле, Мәскәү Татар милли-мәдәни мохтариятеннән 35ләп кеше килә.

Бүген Казан (Идел буе) федераль университетының В.П.Энгельгардт исемендәге Астрономия обсерваториясендә (Яшел Үзән районының Обсерватория бистәсе) Планетарий һәм Астропарк төзелешенә тәүге таш салу тантанасы булды. Чарада Татарстан Президенты Рөстәм Миңнеханов катнашты.

Бүген Әлмәттә “Безнең яңа мәктәп” илкүләм мәгариф инициативасын тормышка ашыру шартларында Татарстан Республикасы белем бирү системасын үстерү” дигән исем астында республика мәгариф һәм фән хезмәткәрләренең август киңәшмәсе узды.