Бүген Б. Рәмиев исемендәге ИТ-паркта Россия фәне көнендә «Фәнни алгарыш" конкурсында җиңүчеләрне бүләкләү тантансы узды. Бу чара Татарстан Республикасы максатчан капитал фонды (Эндаумент-фонд) ярдәмендә беренче мәртәбә гамәлгә ашырылган төбәкнең фәнни экосистемасын үстерүдә әһәмиятле. Тантанада Татарстан Рәисе Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Фәннәр академиясе президенты Рифкать Миңнеханов, Россия мәгариф академиясе президенты Ольга Васильева һәм башкалар катнашты.
Республика икътисады квалификацияле фәнни һәм инженер-техник хезмәткәрләрнең даими агымына мохтаҗ. Бу хакта Татарстан Рәисе Рөстәм Миңнеханов Россия фәне көненә багышланган чаралар лекторлары белән очрашуда белдерде. Очрашу Б. Рәмиев ис. ИТ-паркта узды.