Казанга Россия Хөкүмәте рәисе урынбасары Аркадий Дворкович килде

Бүген кич Татарстан Республикасына Россия Хөкүмәте рәисе урынбасары Аркадий Дворкович килде.

“Казан” халыкара аэропортында Аркадий Дворковичны Татарстан Республикасы Премьер-министры Алексей Песошин һәм башка рәсми затлар каршы алды.

Искә төшерәбез, иртәгә Казанда РФ Хөкүмәте вице-премьеры катнашында Татарстан Республикасында “Куркынычсыз һәм сыйфатлы юллар” һәм “Уңайлы шәһәр мохитен булдыру” кебек өстенлекле проектларны гамәлгә ашыру мәсьәләләре буенча киңәшмә узачак.