Рөстәм Миңнехановка «ЗаБег.РФ» бөтенроссия проекты Кубогын тапшырдылар

Бүген Татарстан Республикасы Президенты Рөстәм Миңнехановка «ЗаБег.РФ» бөтенроссия проекты Кубогын тапшырдылар. Кубокны "Каһарманнар лигасы" һәм «ЗаБег.РФ» беренче бөтенроссия ярыммарафоны проектлары җитәкчесе Ксения Шойгу тапшырды.

Чара ТР Хөкүмәте Йортында узды. 

ЗаБег.РФ» беренче бөтенроссия ярыммарафоны нәтиҗәләре буенча Казан җиңүче-шәһәр булды, шуңа аңа "Россия чабыш башкаласы" исемен бирделәр. 

Бүгенге чарада катнашучылар искәрткәнчә, 2017 елның 21 маенда «ЗаБег.РФ» беренче бөтенроссия чабышы узды. Төрле дистанцияләрдә Россиянең 10 эре шәһәрендә йөгерүчеләр катнашты.