Рөстәм Миңнеханов: Иркутск өлкәсе - Татарстан Республикасының күптәнге стратегик хезмәттәше

Бүген Татартан Республикасы Президенты Рөстәм Миңнеханов Петербург халыкара икътисадый форум кысаларында Иркутск өлкәсе губернаторы Сергей Левченко белән очрашты.

Рөстәм Миңнеханов билгеләгәнчә, февраль аенда Сочида Россия инвестицион форумында төбәкләр арасында килешү имзаланды. Ышанам, килешүне гамәлгә ашыру буенча безнең белгечләр билгеләгән чаралар төбәкара мөнәсәбәтләрне яңа дәрәҗәгә чыгарачак, дип ассызыклады ТР Президенты. 

Рөстәм Миңнеханов Сергей Левченкога үзара делегация визитларын оештыруны тәкъдим итте: "Сезне хезмәттшләрегез белән Татарстанга хезмәттәшлек мөмкинлекләрен билгеләү һәм безнең предприятиеләр арасында туры элемтәләр булдыру өчен чакырам".

Соңгы елларда Татарстан белән Иркутск арасында төбәкара товар әйләнеше 4 млрд. сумнан артты. Татарстан Иркутскка автомобиль шиналары, авыр йөк һәм җиңел машиналар, корыч трубалар, азык-төлек сата. Иркутсктан безгә товар целюлозасы, юу чаралары, тоз, бояу материаллары килә. 

Яхшы икътисадый күрсәткечләргә карамастан, үзара сәүдә күләмен һәм товар номенклатурасын киңәйтергә кирәк, диде Рөстәм Миңнеханов. Авыл хуҗалыгы, торак-коммуналь хуҗалык, социаль өлкәдә, мәдәният һәм туризмда элемтәләрне арттырырга кирәк. 

"Иркутск өлкәсе белән Татарстанның гаять көчле фәнни-техник һәм тенологияләр мөмкинлекләре бар. Без сезнең белән тәҗрибә уртаклашырга һәм сезнең эшләнмәләр белән танышырга шат булабыз", - диде ул. 

Очрашу ахырында Рөстәм Миңнеханов һәм Сергей Левченко  Татарстан белән Иркутск өлкәсе арасындагы килешүгә 2020 елга кадәр чаралар планын имзаладылар.