Дмитрий Рогозин Татарстан Президенты Рөстәм Миңнеханов белән Казан авиация заводы цехларын карады

Россия Федерациясе Хөкүмәте Рәисе урынбасары Дмитрий Рогозин Татарстан Татарстанга эш визиты кысаларында С.П. Горбунов ис. Казан авиация заводы - "Туполев" ГАҖ филиалы цехларын карады.

Аны Татарстан Республикасы Президенты Рөстәм Миңнеханов, Татарстан Премьер-министры Алексей Песошин, ТР Премьер-министры урынбасары - сәнәгать һәм сәүдәм министрв Альберт Кәримов, Берләштерелгән авиатөзелеш корпорациясе президенты  Юрий Слюсарь, «Туполев» ГАҖ генераль директоры Александр Конюхов, С.П. Горбунов ис. Казан авиация заводы - "Туполев" ГАҖ филиалы генераль директорының беренчке урынбасары Николай Савицких һәм башкалар озата йөрде. 

Предприятие җитәкчелеге Дмитрий Рогозинга Ту-214 һәм Ту-22М3 гражданнар һәм хәрби максатлы һава судноларын җитештерү программаларын гамәлгә ашыру турында хәбәр иттеләр. 

Шулай ук Россия Хөкүмәте Рәисе урынбасарына булган производство көчләрен яңарту барышы, электрон-нурлы эретеп ябыштыру җайланмасы ЭЛУ 24/16 урнаштыру турында сөйләделәр. Әлеге җайланма бүгенге көнгә дөньяда иң көчле дип санала. Яңа җиһазларны урнаштыру белән бер рәттән цехның түбәсен, диварларын төзекләндерү эше барды. 

Моннат тыш, РФ вице-премьерына КАЗ аэродром комплексы объектларын төзү һәм төзекләндерү макстачан программасын гамәлгә ашыру турында хәбәр иттеләр. 

Аннан Дмитрий Рогозин Татарстан предприятиеләренең дәүләт оборона заказын башкару мәсьәләсе буенча киңәшмә үткәрде.