Казанга Россия вице-премьеры Александр Хлопонин килде

Россия Федерациясе Хөкүмәте рәисе урынбасары Александр Хлопонин бүген Татарстанга килде.

“Казан” халыкара аэропортында аны Татарстан Республикасы Премьер-министры вазифаларын башкаручы Алексей Песошин каршы алды.

Иртәгә, 2017 елның 7 апрелендә, Александр Хлопонин Табигый байлыклардан файдалану өлкәсендә күзәтчелек буенча федераль хезмәт коллегиясе утырышында катнашачак. Бу чара барышында ведомствоның 2016 елдагы эшчәнлегенә бәя биреләчәк, шулай ук агымдагы елдагы эшчәнлегенең төп юнәлешләре билгеләнәчәк.