Татарстан Премьер-министры Илдар Халиков Азнакай һәм Зәй районнарына бара

Татарстан Республика Премьер-министры Илдар Халиков бүген Азнакай һәм Зәй муниципаль районнарына эшлекле очрашуга бара.

Илдар Халиковның  социаль объектларны каравы,  шулай ук Азнакай муниципаль районы Советы утырышында катнашуы, ә көннең икенче яртысында Зәй муниципаль район Советы утырышында катнашуы көтелә.

Ике утырыш та муниципаль районнарның 2016 ел өчен социаль–икътисади үсеше нәтиҗәләренә һәм 2017 елга куелган бурычларга багышлана.