Рөстәм Миңнеханов: 2016 елда фән һәм техника өлкәсендә Татарстан Республикасы дәүләт премияләре алган медиклар эшләре клиникаларда гамәлгә кертелгән инде

Бүген Казанда 2016 елда фән һәм техника өлкәсендә Татарстан республикасы дәүләт премияләрен тапшыру тантанасы узды.

Чара Татарстан республикасы Президентының Казан Кремлендәге резиденциясендәге тантаналар залында үткәрелде.

Чара 2016 елның 25 декабрь көнендә Кара диңгез сулыгы өлкәсендә Россия Оборона министрлыгының Ту-154 самолеты һәлакәтендә һәлак булганнарны искә алу минутыннан башланды.

Татарстан Республикасы Президенты Рөстәм Миңнеханов чарада катнашучыларга мөрәҗәгать итте: "Кичә зур фаҗига булды - самолет һәлакәткә эләкте. Артистлар, журналистлар һәлак булды. Алар үзләренең хезмәт бурычларын үти иде. Алар хатирәсен тынлык минуты белән искә алуыгызны сорыйм". 

Шунан Татарстан Республикасы дәүләт премияләре лауреатлары знаклары һәм дипломнар тапшыру башланды. 

"Гадәттәгечә без ел нәтиҗәләрен йомгаклыйбыз, республиканың иң атаклы премияләренең берсе лауреатлары - фән һәм техника өлкәсендә Татарстан Республикасы дәүләт премиясе лауреатларын олылыйбыз, - диде Рөстәм Миңнеханов. - Бүген Татарстан - эре фәнни һәм мәгариф үзәге, Татарстанның атаклы фәнни-мәгариф мәктәпләре, уникаль учреждениеләре һәм аеруча, кешеләре, тикшеренүчеләре, галимнәр көндәлек хезмәтләре белән туган республикаларын данлыйлар. 2016 елда юганы бүләк белән билгеләнгәннәр арасында - ике эш медицина өлкәсендә. Бу Казан дәүләт медицина академиясе һәм республика клиник хастаханәсе, шулай ук Төбәкара клиник диагностика үзәге галимнәре эшләре. Әлеге тикшеренүләр безнең медикларның югары статусын раслый, фундаменталь һәм практик медицинаның актив үсеп баруын дәлилли". 

Рөстәм Миңнеханов билгеләгәнчә, медицина өлкәсендәге бу эшләр Татарстан һәм Россия клиникаларында гамәлгә кертелгән инде. 

Фәнни-техник үсеш, технологияләрнең каты алга китүе тикшеренүчедән производство белән даими багланышта булуны таләп итә, дип ассызыклады ТР Президенты. Аның сүзләренчә, предприятиеләрнең дә фәнни эшләнмәләргә таләп бар. 

Моңа ачык мисал - "Татнефть" компаниясе белгечләре һәм РФА Казан фәнни үзәгенең Механика һәм машина төзелеше белгечләре галимнәренең тикшеренүе. Аны гамәлгә кертүдән булган икътисадый нәтиҗә 600 млн. сумнан артты. 

Рөстәм Миңнеханов хәбәр иткәнчә, республикада гуманитар фән дә уңышлы үсә, моңа дәлил - ТР Фәннәр академиясе пректы. Борыңгы заманнан татар тарихы буенча академик хезмәт дәүләт премиясенә лаек булды.