Рөстәм Миңнеханов Россия Оборона министрлыгының Ту-154 самолеты фаҗигасендә һәлак булганнарның туганнарының һәм якыннарының кайгысын уртаклашты

Бүген Татарстан Республикасы Президенты Рөстәм Миңнеханов Россия Оборона министрлыгының Ту-154 самолеты фаҗигасендә һәлак булганнарның туганнарының һәм якыннарының кайгысын уртаклашу сүзләрен юллады.  

«Бу барыбыз өчен дә фаҗига, – диде Рөстәм Миңнеханов. – Һәлак булганнарның туганнарына һәм якыннарының кайгысын чын күңелемнән уртаклашам. Бу иксез-чиксез зур югалту. Без сезнең белән бергә хәсрәтләнәбез».

Искәртәбез, бүген иртән Россия Оборона министрлыгының Ту-154 самолеты радарлардан югалган. Самолетта 91 кеше булган, бу – самолет  экипажы, хәрби хезмәткәрләр, Александров исемендәге җыр һәм бию ансамбле артистлары, тугыз Россия журналисты.

Соңрак авиалайнер корпусының фрагментлары Кара диңгез ярында Сочидан километр ярымда табылган.