Рөстәм Миңнеханов Рәфыйк Якубовка «Татарстан Республикасы алдындагы казанышлары өчен» ордены медален тапшырды

Бүген Татарстан Республикасы Президенты Рөстәм Миңнеханов «Татнефть» ГАҖ генераль директорының спорт буенча ярдәмчесе Рәфыйк Якубовка «Татарстан Республикасы алдындагы казанышлары өчен» ордены медален тапшырды.

Медаль Татарстан Республикасында физкультураны һәм спортны үстерүгә аерым өлеш керткән, күп еллык тырыш хезмәт өчен тапшырылды.

Бу кеше бүләккә лаек, диде Рөстәм Миңнеханов, Рәфыйк Якубовка медаль тапшырып, ул республикага, безнең спортка һәм хоккейга тугрылыклы.

Татарстан Президенты спортчыга «Нефтехимик» хоккей командасы үсешенә керткән өлеше өчен рәхмәт белдерде.

Аннары «Ак Барс» хоккейчылары клубы катнашында иптәшләрчә матч узды, анда Рөстәм Миңнеханов та катнашты.