2010 елның 28нче июлендә чыгарылган Указ нигезендә ТР Президенты ТР икътисад министры итеп Мидхәт Шаһиәхмәтовны билгеләде. Министрлык коллективына министрны ТР Премьер-министры Илдар Халиков тәкъдим итте.

Марат Сафиуллин башка эшкә китү сәбәпле ТР икътисад министры вазифасыннан азат ителде.

Шаһиәхмәтов Мидхәт Рәфкать улы Казан шәһәрендә туган. 2009 елда ТР Премьер-министры ярдәмчесе итеп билгеләнә, 2010 елдан бирле ТР Президенты ярдәмчесе вазифаларын үти. Икътисадый һәм социаль планлаштыру белгечлеге буенча Казан финанс-икътисад институтын тәмамлаган. Икътисад фәннәре докторы. РФ Президенты карамагындагы идарә итү кадрлары резервында тора.