Татарстан Президенты эш визиты белән Һиндстанда

Татарстан Республикасы Президенты Рөстәм Миңнеханов Россия Федерациясе Президенты Владимир Путин җитәкчелегендәге делегация составында эш визиты белән Һиндстанга килде.

Бүген ТР Президенты Дәһлидә ике тарихи объектны карады – Хумаюн кабере һәм Кызыл форт. Биредә Рөстәм Миңнехановка Һиндстанда архитектура һәм археологик мирасларны саклау тәҗрибәсе турында сөйләделәр.

Визитның төп максаты – югары дәрәҗәдә Россия-Һиндстан сөйләшүләрендә катнашу, аларны Россия Федерациясе Президенты Владимир Путин һәм Һиндстан Премьер-министры Нарендра Моди уздыра.