Казанга ФИФА делегациясе тикшерү белән килде

17.10.2014

Бүген Казанга 2018 елгы футбол буенча дөнья чемпионатына әзерлек барышы белән танышу өчен ФИФА һәм "Россия-2018" оештыру комитеты вәкилләренең уртак делегациясе килде. “Казан-Арена” стадионында делегация әгъзалары белән Татарстан Премьер-министры Илдар Халиков очрашты.

Казан Россиядә уртак делегация тикшергән икенче шәһәр булды. Кичә экспертлар Санкт-Петербургның әзерлеген тикшерделәр, ә Казаннан соң Мәскәү һәм Сочига китәчәкләр.

Искә төшерәбез, 2018 елгы дөнья чемпионаты матчы Россиянең 11 шәһәрендә 12 стадионда узачак. “Казан-Арена” стадионы 2018 елгы дөнья чемпионатының бүгенге көнгә файдалануга тапшырылган һәм үз билгеләнешендә файдаланылучы ике стадионының берсе санала.

ТР Президенты матбугат хезмәте