Казанга РФ оборона министры килде

Бүген Россия Федерациясе оборона министры Сергей Шойгу Казанга эш сәфәре белән килде. Аны Казан авиация заводы аэродромында Татарстан Президенты Рөстәм Миңнеханов каршы алды.

Сергей Шойгу эш сәфәре кысаларында Андрей Туполев һәйкәлен ачуда катнаша, “КАПО-Композит” һәм Казан авиация заводы җитештерү цехларында була, аннары авиацияның үсеш перспективалары буенча киңәшмә үткәрә.

Шулай ук Сергей Шойгу "Ту-22М3" стратегик бомбардировщикны модернизациядән соң тапшыру тантанасында катнашачак.