Рөстәм Миңнеханов Бөтендөнья икътисадый форумының ике сессиясендә катнашты

Бүген, Давоска эш визитының өченче көнендә Татарстан Президенты Рөстәм Миңнеханов Бөтендөнья икътисадый форумының ике сессиясендә катнашты. 

ТР Президенты Казахстан, Әзербайҗан президентлары, Грузия, Пакистан премьер-министрлары катнашындагы "Евразия: Яңа чик?" һәм "БРИКС - урта яшьләр кризисы?" сессияләрендә булды.  

Шулай ук Рөстәм Миңнеханов чит ил инвесторлары белән "ВТБ Капитал оештырган эшлекле иртәнге ашта һәм Красноярск крае губернаторы Лев Кузнецов исеменнән оештырылган  бизнес-ланчта катнашты.