Рөстәм Миңнеханов урман хуҗалыгы хезмәткәрләрен һөнәри бәйрәмнәре белән котлады

20 сентябрьдә Россиядә Урман хезмәткәрләре көне билгеләп үтелә. Татарстан Рәисе Рөстәм Миңнеханов ТР Хөкүмәте Йортында узган киңәшмәдә аларны һөнәри бәйрәмнәре белән котлады.

Бүгенге көндә республикада урманнарның гомуми мәйданы 1,6 млн га тәшкил итә. Тармакта 2,5 мең кеше эшли. Ел саен 22 миллионнан артык агач үсентесе утыртыла. Ел саен 4 мең гектардан артык урман торгызыла. Республикада яшәүче 70 меңгә якын кеше табигатьне саклау гамәллләрендә катнаша.

Рөстәм Миңнеханов урманнарны янгыннан саклау өлкәсендәге эшне аерым билгеләп үтте. 2024 елдан 2026 елга кадәр барлык хезмәтләрнең оператив эше нәтиҗәсендә бер генә җитди янгын да чыкмаган.

Ул шулай ук 12 сентябрьдә Саба районында тармак алдынгыларын котлап, һөнәри осталык конкурсы оештырып, тантаналы чара уздырылуын искәртте.

Татарстан Рәисе урман хуҗалыгы эшчәннәренә иминлек һәм игелекле эшләрендә уңышлар теләде. Ул тармак ветераннарына бүгенге казанышларга ныклы нигез салган фидакарь хезмәтләре өчен аерым рәхмәт белдерде. Аларның һөнәргә тугрылыгы яшь белгечләр өчен лаеклы үрнәк булып тора, дип ассызыклады Рөстәм Миңнеханов.