Рөстәм Миңнеханов Дубай палаталары президенты һәм генераль директоры белән хезмәттәшлек мәсьәләләре буенча фикер алышты

Татарстан Рәисе Рөстәм Миңнеханов Дубай палаталары президенты һәм генераль директоры Мөхәммәд Али Рашед Лута белән очрашты. Очрашу Дубайда ел саен үткәрелә торган Инвестицион форум кырларында узды. 

Дубайның сәүдә палатасы - бизнеска ярдәм итүнең төп институты һәм илнең һәм Әмирлекләрнең иң борынгы эшлекле берлекләренең берсе.

Татарстан Рәисе белдергәнчә, республика Берләшкән Гарәп Әмирлекләренә продукциянең киң спектрын тәкъдим итәргә әзер. Бу техника, транспорт, нефть химиясе һ.б. Моннан тыш, ул Татарстанның күп кенә проектларының чит ил партнерлары белән хезмәттәшлектә гамәлгә ашырылуына игътибар итте. 

«Россия – Ислам дөньясы: KazanForum» халыкара икътисадый форумы ислам дөньясы белән икътисадый һәм мәдәни элемтәләрне ныгыту өчен ел саен үткәрелә торган федераль стратегик мәйданчык булды. Сезне һәм Әмирлекләр бизнесын киләсе елда әлеге чарага чакырабыз", - дип мөрәҗәгать итте Рөстәм Миңнеханов. 

Мөхәммәд Али Рашед Лута Татарстан Рәисе белән очрашу аның өчен зур мәртәбә булуын билгеләп үтте. "Без Сезнең Берләшкән Гарәп Әмирлекләре җитәкчелеге белән якын мөнәсәбәтләрегез булуын беләбез, без сезнең турыда ишеттек. Шул исәптән KazanForum турында бик күп уңай бәяләмәләр ишеттек", - дип билгеләп үтте Дубай палаталары президенты һәм генераль директоры.