Рөстәм Миңнеханов Беренчеләр Хәрәкәте активистлары белән очрашуда: Иң яхшы һәм ышанычлы команда – гаилә. Ул һәрвакыт таяныч һәм үрнәк

Бүген Татарстан Рәисе Рөстәм Миңнеханов БеренчеләрХәрәкәтендә катнашучы активистларның гаиләләре белән очрашты. Очрашу Казан Кремлендә 1 июнь - Балаларны яклау көненә багышланды.

Очрашуда ТР Премьер-министры урынбасары Ләйлә Фазлыева, «Беренчеләр Хәрәкәте» Россия балалар һәм яшьләр хәрәкәтенең Татарстандагы төбәк бүлеге җитәкчесе Тимур Сөләйманов катнашты.

Балалар беренчеләрдән булып тормышка ашырыла торган проектларын тәкъдир иттеләр.

Очрашуда катнашучылар белән аралашу барышында Рөстәм Миңнеханов сөйләгәнчә, һәр эштә иң мөһиме – команда. "Иң яхшы һәм ышанычлы команда – ул гаилә. Ул һәрвакыт таяныч һәм үрнәк", - диде ул.

Рөстәм Миңнеханов очрашуны оештыручыларга рәхмәт белдерде. "Бүген бездә бәйрәм - Балаларны яклау көне. Без монда күпме бала җыелганын һәм алар өчен күпме чара уздырганыбызны күрәбез. Әмма бу чараларның командалы булуы аеруча мөһим.  Ә иң яхшы һәм ышанычлы команда – ул гаилә. Ул һәрвакыт бер-береңә таяныч та, үрнәк тә. Безнең бөтен тәрбия - гаиләдән. Әгәр балачагыма кайтсам, мин һәрвакыт туганнарыма таяна идем. Минем бабайларым юк иде, ләкин әбиләрем һәм әти-әниләр бар иде. Бүген мин сезнең балаларыгызның нинди булуын һәм балаларыгыз белән горурлануыгызны күрәм. Бу дөрес! Без үсеп килүче буынны тәрбияләү өчен яшибез. Үзебезгә оят булмасын өчен. Шуңа күрә сез үзегез дә булдырасыз, һәм сезнең прогрессив нәрсәгез бар - сез бүген моны үз балаларыгызга тапшырасыз".

Рөстәм Миңнеханов үсеп килүче буынны тәрбияләүдә Беренчеләр Хәрәкәтенең мөһим ролен билгеләп үтте. «Мондый хәрәкәтне күптән булдырырга кирәк иде, - диде ул. Сез монда яшьрәк, ләкин без барыбыз да октябрьчеләр, пионерлар һәм комсомоллар итеп тәрбияләндек Һәм бүген сезнең активлыгыгыз, сезнең мөнәсәбәтегез нәтиҗәсендә без республиканың чәчәк атачагын күрәбез. Моңа бернинди шик юк".

Беренчеләрдән булып хәрәкәттә актив катнашучы гаиләләр Татарстан Рәисе белән аралашу һәм үз проектлары турында сөйләү мөмкинлеге алды.

Мәсәлән, Казаннан Самир гаилә әгъзалары белән бергә Беренчеләр Хәрәкәте химаясендә чаралар оештыруы турында сөйләде. "Без яшүсмерләрне генә түгел, аларның ата-аналарын да җәлеп итә алган инициативаларны гамәлгә ашырабыз. Соңгы ярты елда без 30лап чара уздырдык. Безнең өчен иң кыйммәтлесе кышкы «Беренчеләр балы» булды - бу Яңа елга мюзикл, анда яшүсмерләр продюсерлар һәм сценаристлар булды. Шунысы мөһим, без тамашаны балаларга гына түгел, аларның гаиләләренә дә күрсәттек", - дип ассызыклады Самир Хаҗиев.

Питрәч районыннан гаилә инклюзив проектлар турында сөйләде. "Безнең проектның максаты - мөмкинлекләре чикләнгән балалар өчен ял итү мөмкинлекләрен киңәйтү. Абыем Азамат белән бергә без тернәкләндерү үзәкләрендә педагогларга булыштык: балалар белән буяулар катнаштырдык, рәсем ясадык, спектакльләр, конкурслар, эстафеталар, юл хәрәкәте иминлеге буенча мастер-класслар оештырдык», – дип сөйләде Булат.

Балалар шулай ук Татарстан Рәисенә МХОдә катнашучыларга һәм аларның гаиләләренә ярдәм итү, патриотик тәрбия бирү һәм мәдәниятне үстерү, балалар һәм яшүсмерләрне спортка һәм сәламәт яшәү рәвешенә ярдәм итү өчен оештырган проектлары турында сөйләделәр.