ТР Төзелеш министрлыгы башлыгы социаль-мәдәни өлкә объектларын капиталь ремонтлау программаларын гамәлгә ашыру турында сөйләде

Социаль-мәдәни өлкә объектларын капиталь ремонтлау программаларын гамәлгә ашыру турында Татарстан Республикасы Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.

Киңәшмәне Татарстан Рәисе Рөстәм Миңнеханов үткәрде. Анда Татарстан Премьер-министры Алексей Песошин һәм ТР Дәүләт Советы Рәисе вазифаларын башкаручы Марат Әхмәтов катнашты.

Мәгариф инфраструктурасы объектларына капиталь ремонт эшләре актив дәвам итә - мәгариф өлкәсендә 170 объектка ремонт ясау каралган. Гомуми белем бирү оешмалары 45% ка ремонтланган. Хисап чорында Казан шәһәрендә объект төгәлләнгән.

Мәктәп ашханәләрен ремонтлау эшләре 10% ка башкарылган. Подрядчылар 24 объектта эшли, калганнарын ремонтлауга, подряд оешмалары җәйге каникуллар башлангач, керешәчәк. Хисап чорында Биектау районында объект төгәлләнгән.

23 мәктәпкәчә мәгариф учреждениесендә ремонт эшләре 57% ка башкарылган. Ресурс үзәкләренә капиталь ремонт ясау эшләре 56% тамгасында теркәлә. Тулай торакларны ремонтлау буенча башкарылган эшләр 47% тәшкил итә.

"Сәламәтлек саклау" тармагында быел 96 объект ремонтлана. Соңгы 2 атнада берьюлы алты фельдшер-акушерлык пунктында ремонт эшләре төгәлләнгән: икесе Арчада, берсе Биектау, Нурлат, Актаныш һәм Теләче районнарында, бу 89% ка җитәргә мөмкинлек бирде.

Балалар өчен сөт ризыкларын тарату пунктларын ремонтлауда шулай ук күрсәткеч югары дәрәҗәдә - 88%. Хисап чорында 4 муниципалитетта 11 объект төгәлләнгән.

Медицина стационарларын ремонтлау буенча гомуми күләмнең 47% ы башкарылган. Эшләр 23 объектта алып барыла. 5 поликлиникада ремонт эшләре 24% ка башкарылган.

23 объект Яшьләр эшләре министрлыгы белән берлектә гамәлгә ашырыла торган программаларга кертелгән. Июньдә Түбән Кама районында урнашкан бердәнбер контрактсыз объектка контракт төзү планлаштырыла.

Балаларны савыктыру лагерьларын капиталь ремонтлау эшләре тәмамлануга якынлашып килә. Алар буенча эшләр 97% ка үтәлгән. Хисап чорында Зеленодольск, Биектау, Алексеевск һәм Кукмара районнарында дүрт объект төзелеп беткән.

Өч яшүсмерләр клубында ремонт эшләре 79% ка үтәлгән. Психологик-педагогик ярдәм күрсәтү биналарын ремонтлауда программада каралган эш күләменең 43% ы теркәлә. Яшьләр үзәкләрен ремонтлау буенча планлаштырылган күләмнең 47% ы ябылган - узган ярты айда Кукмара районында объект төгәлләнгән.

«Мәдәният» тармагы буенча 38 объектта ремонт каралган. Аларның зур өлешен авыл мәдәният йортлары тәшкил итә. Монда эшләр 49% ка башкарылган. Балалар сәнгать мәктәпләрен ремонтлау буенча планлаштырылган күләмнең 39% ы ябылган. Тармакның башка учреждениеләрендә капиталь ремонт эшләре 29% ка башкарылган.

Спорт линиясе буенча агымдагы елда 25 объектта ремонт программасы гамәлгә ашырыла. Эшләр 27% ка үтәлгән. Хисап чорында Казанда объект төгәлләнгән.

Хезмәт, халыкны эш белән тәэмин итү һәм социаль яклау министрлыгы белән берлектә гамәлгә ашырыла торган республика программасы 86% ка үтәлгән. Узган 2 атнада Чистай, Әлки, Мамадыш, Зеленодольск районнарында һәм Чаллы шәһәрендә биш объект төзелеп беткән.

«Экология» тармагы буенча 25 объект гамәлгә ашырыла, аларның үтәлеше 52% тәшкил итә. Узган ике атнада Зеленодольск һәм Яңа Чишмә районнарында ике объектта эшләр төгәлләнгән.

Урманчылык биналары 65% ка ремонтланган.

Янгын депосы биналарын ремонтлауда планлы эш күләменең 37% ы ябылган. Хисап чорында Мөслим районында объект төгәлләнгән.

Эчке эшләр министрлыгы биналарын ремонтлау эшләре 16% ка башкарылган.

Иҗтимагый судьялар биналарын ремонтлау эшләре 56% ка башкарылган. Хисап чорында Алабуга районында объект төгәлләнгән.

Авыл хуҗалыгы һәм азык-төлек министрлыгы юнәлеше буенча гамәлгә ашырыла торган объектларны ремонтлау өлешендә югары күрсәткеч. Бүгенгә - 92%. Соңгы ике атнада Әгерҗе районында объект төзелеп беткән.

75 объект башка республика программалары кысаларында гамәлгә ашырыла.

Башкарма комитетларны ремонтлау программасы ахырына якынлаша. Бүгенгә үтәлеш 99% тәшкил итә. Хисап чорында Саба районында объект төгәлләнгән.

Муниципаль архивларны ремонтлау эшләре 37% ка башкарылган.

Росгвардия карамагындагы биналарны ремонтлау программасы буенча үтәлеш 37% ка бәяләнә.

Казанда объект хисап чорында тапшырылгач, хәрби комиссариатлар биналарын ремонтлау эшләре 51% ка үтәлгән.

Күпфункцияле үзәкләр биналарына капиталь ремонт ясау 86% тәшкил итә. Узган ярты айда Кайбыч районындагы объектта эшләр төгәлләнгән.

Агымдагы елда күпфатирлы йортларны капиталь ремонтлау программасында 41 муниципаль берәмлектә 706 күпфатирлы йорт катнаша. 6 муниципаль берәмлектә 44 йортта 99 лифт алмаштыру каралган. 33 муниципаль берәмлектә 380 күп фатирлы йортта эшләргә керештеләр. 4 муниципалитетта 36 объект тәмамланган. Калган объектлар буенча әзерлек эшләре алып барыла. Эшләрне башкару графигы буенча эшкә агымдагы елның июнендә керешергә планлаштыралар. Программа буенча гомуми үтәлеш 24% тәшкил итә.