Татарстан Рәисе Рөстәм Миңнеханов Нәвоида «Нәвои» махсус икътисадый зонасы территориясендәге индустриаль парк мәйданчыкларында булды

Татарстан Рәисе Рөстәм Миңнеханов Нәвоига килде һәм «Нәвои» махсус икътисадый зонасы территориясендәге индустриаль парк мәйданчыкларында булды. Ул гомуми мәйданы 564 га булган территориядә Үзбәкстанның иң сәнәгый шәһәрләренең берсе янәшәсендә урнашкан.

Махсус икътисадый зона территориясендә салым, валюта һәм таможня режимнарын, анда керү, анда булу һәм аннан чыгып китүнең, шулай ук хезмәт эшчәнлеген гамәлгә ашыруга рөхсәт алуның гадиләштерелгән тәртибен кертеп, махсус хокукый режим гамәлдә.

Объектны карау кысаларында Рөстәм Миңнеханов «Арнест Юнигрупп Навои» ҖЧҖ җитештерүен карады. Ул кичә ике якның вице-премьерлары катнашында «Иннопром. Үзәк Азия" халыкара сәнәгать күргәзмәсе мәйданчыгыннан видеоэлемтә режимында эшләтеп җибәрелгән иде».

Компания косметика һәм көнкүреш химиясе җитештерәчәк.

Рөстәм Миңнеханов предприятие коллективы белән сөйләште, хәзер анда 115 кеше эшкә урнашкан, аларга уңышлар теләде.