Россия Хөкүмәте Рәисе Михаил Мишустин Казанда ачылган XX Россия венчур форумында катнашучыларга сәламләү юллады

Россия венчур форумының пленар утырышы Казанда «Казан Экспо» ХКҮ мәйданчыгында ачылды. Төп тема «Технологик лидерлык - киләчәккә инвестицияләр".

Пленар утырышның - телевидениедә алып баручы, тәүлек буе эшли торган «Москва 24» мәгълүмат каналының баш мөхәррире Дмитрий Щугорев.

Чараны онлайн-трансляцияләү оештырылган.

Быел пленар утырыш спикерлары: Россия Федерациясе Президенты ярдәмчесе Андрей Фурсенко, Россия Федерациясе Фән һәм югары белем министры Валерий Фальков, Россия Федерациясе Икътисадый үсеш министрының беренче урынбасары Максим Колесников, Татарстан Республикасы Рәисе Рөстәм Миңнеханов, шулай ук Россия турыдан-туры инвестицияләр фонды (РФПИ) генераль директорының беренче урынбасары Анатолий Браверман, KAMA FLOW инвесткомпаниясе партнеры Евгений Борисов һәм башкалар.

Утырышта катнашучыларга сәламләү сүзе укылды, аны Россия Хөкүмәте Рәисе Михаил Мишустин юллады.

Ассызыклап әйтелгәнчә, бу вакыйга инвесторларга тәҗрибә һәм алга киткән идеяләр белән уртаклашырга мөмкинлек бирә. "Егерме ел дәвамында форум үзебезнең һәм чит ил инвесторларын, эшкуарларны, эре корпорацияләр һәм фәнни-техник бергәлек вәкилләрен берләштерә, тәҗрибә, алга киткән һәм перспектив идеяләр, иң яхшы практикалар, үз эшеңне башлап җибәрү һәм колачлау өчен инструментлар белән уртаклашу өчен мөмкинлекләр ача», - диелә текстта.

Михаил Мишустин билгеләп үткәнчә, "Технологик лидерлык - илебез үсешенең Президент куйган илкүләм максатларының берсе. Бу максатка ирешү өчен планлы эш алып барыла, шул исәптән тотрыклы венчур экосистемасын формалаштыру, югары технологияле стартапларга финанслар җәлеп итү һәм сәнәгать предприятиеләренең инновацион потенциалын күтәрү. Халыкара аренада конкуренциягә сәләтле үз алдынгы инженерлык һәм фәнни хәл ителешләре булдырыла, икътисадый үсешне һәм илнең дөнья җәмәгатьчелегендәге позициясен ныгыта торган проектлар гамәлгә ашырыла. Кече технологик компанияләргә ярдәм итү һәм бизнес өчен административ киртәләрне киметү өчен күп нәрсә эшләнә. Бу чараларның барысы да венчур инвестицияләре базарын киңәйтүгә ярдәм итә».

"Ышанам ки, форум нәтиҗәләре стратегик партнерлыкны ныгытуга ярдәм итәчәк, - диелә сәламләү текстында. - Форумда катнашучыларның барысына да конструктив дискуссияләр һәм глобаль масштабта гамәлгә ашырыла алачак кыю новаторлык идеяләре телим».