Казан Кремлендә Татарстан Республикасының социаль-икътисадый үсешенә зур өлеш керткән хатын-кызларны бүләкләделәр

Бүген Казан Кремлендә Татарстан Республикасының социаль-икътисадый үсешенә зур өлеш керткән һәм җәмәгатьчелек тарафыннан киң танылган хатын-кызларны хөрмәтләделәр.

Татарстан Республикасы Рәисе Рөстәм Миңнеханов тантанада катнашучыларга талантлары һәм энергияләре, һөнәри осталыклары өчен рәхмәт белдерде.

«Язның матур бәйрәме – Халыкара хатын - кызлар көне алдыннан сезнең белән очрашуыма шатмын, - диде Татарстан Рәисе.  - Сезгә Татарстанның икътисадын һәм социаль өлкәсен алга этәръче талантыгыз һәм энергиягез, хезмәтегез һәм һөнәри осталыгыгыз өчен чын күңелдән рәхмәт белдерәсем килә. Бүген бу залда фидакарьлеге ихлас соклану уятучы хатын-кызлар җыелды. Сезнең үз эшегезгә чиксез тугрылыгыгыз һәм шәфкатьлелегегез барыбызны да рухландыра. Махсус хәрби операция уздыру шартларында сез, гомерегезне куркыныч астына куеп, алгы сызыктагы хәрби бурычларны үтисез, хәрбиләргә медицина ярдәме күрсәтәсез».

Рөстәм Миңнеханов Ватанны саклауны үз миссиясе итеп сайлаган барлык хатын-кызларга карата иң җылы сүзләр әйтте.

"Мондагыларның күбесенең хатыннары, уллары, туганнары һәм якыннары махсус хәрби операциядә катнаша. Сезнең йөрәк җылыгыз, ышанычлы тылыгызны саклап калу егетләребез өчен төп таяныч булып тора һәм җиңүгә ышанычны ныгыта. Республика киләчәктә дә МХОдә катнашучыларга һәм аларның гаилә әгъзаларына барлык кирәкле ярдәмне күрсәтәчәк", - дип ассызыклады ул.

«Безнең сугышчылар - яңа заман геройлары, алар Югары Башкомандующий Владимир Владимирович Путин җитәкчелегендә хәрби бурычларын батырларча үтиләр", - диде Рөстәм Миңнеханов.

Ул аерым ассызыклаганча, бүген күп кенә хатын-кызлар ихтыярыйлык эшчәнлеге аша җәмгыятькә риясыз хезмәт итүне сайлаган. "Сезнең ярдәмегез кешеләрнең язмышлары үзгәрә, үзара ярдәмләшү һәм гомумән кешелеккә ышаныч яңадан торгызыла. Сезнең казанышлар игътибарсыз калмый - алар лаеклы танылу алды һәм күпләр өчен үрнәк булып тора», - диде Татарстан Рәисе.

Соклану сүзләрен ул бүген Казан Кремлендә бүләкләнгән күп балалы әниләргә әйтте. "Болар гаҗәеп хатын-кызлар үз Ватаннарының чын патриотларын үстерделәр, аларның уллары үзләре өчен Ватанны саклаучылар юлын сайладылар. Ана батырлыгыгыз, зирәклегегез һәм рух көче өчен сезгә баш иябез», - диде Рөстәм Миңнеханов, тантанада катнашучыларга мөрәҗәгать итеп.

"Кадерле хатын-кызлар! Тормышыгыз мәхәббәт, шатлык һәм иминлек белән тулсын. Сезгә ныклы сәламәтлек, гаилә бәхете һәм барлык башлангычларда уңышлар телим», - диде Рөстәм Миңнеханов.

Аннары Татарстан Республикасы дәүләт бүләкләрен тапшыру бүләкләү тантанасы булды.

Аерым алганда, махсус хәрби операция барышында хәрби бурычын үтәгәндә күрсәткән фидакарь хезмәте һәм югары профессиональлеге өчен «Татарстан Республикасы алдындагы казанышлары өчен» ордены медале белән Ганиева Мәликә Әхәт кызы бүләкләнде. Мәликә Ганиева күп тапкырлар хәрби бәрелеш линиясендә хәрби бурычларны үтәүдә актив катнашкан, югары профессиональ сыйфатлары һәм шәхси батырлыгы белән аерылып тора. Подразделениенең яшь солдатларын әзерләгәндә тупланган белемнәрен һәм хәрби тәҗрибәсен дөрес һәм нәтиҗәле куллана.

"Минем өчен фронттагы шәфкать туташы буларак зур дәрәҗә – югары дәүләт бүләге алу. Мин үземнең хезмәтемне һәм минем аша - барлык хәрби шәфкать туташларына югары бәя биргәннәре өчен рәхмәтле.  Без барыбыз да фронтта үз өлешебезне кертергә, Ватанны саклау өчен кулдан килгәннең барысын да эшләргә тырышабыз. Иң җаваплы моментта без сугышчыларыбызның гомерен саклап калу өчен барысын да эшлибез. Иң мөһиме - коткарылган гомерләр. Рөстәм Нургали улы Миңнехановка һәм бөтен республикага, МХО зонасында хәрбиләргә ярдәм күрсәтүчеләргә зур рәхмәт. Бу безгә көч бирә", - диде Мәликә Ганиева.