Рөстәм Миңнеханов композитор Салих Сәйдәш музеенда булды

Бүген Татарстан Республикасы Рәисе Рөстәм Миңнеханов Казанда композитор Салих Сәйдәш музеенда булды.

Музейның күптәнге тарихы бар, һәм 2016 елда реконструкциягә ябылган. 2017-2020 елларда бинаны ремонтлау һәм реставрацияләү (Горький ур., 13), аның тарихи йөзен торгызу буенча саллы эшләр башкарылган. Моннан тыш, объектны музейлаштыру эшләре башкарылган.

Салих Сәйдәш музее реконструкциядән соң 2025 елның 3 декабрендә композиторның тууына 125 ел тулу уңаеннан тантаналы шартларда ачылды.

Яңартылган музейда XIX гасыр бүлмәләренең интерьерлары торгызылган, алар XIX гасырның икенче чирегендәге утар көнкүрешен күрсәтә. Экспозиция татар театры тарихына, Казанның музыка институтларына һәм XX гасырның икенче яртысындагы татар музыкасына багышланган өч төп залдан тора.

Бүген Рөстәм Миңнехановка башкарылган эшләр турында хәбәр иттеләр. ТР мәдәният министры Ирада Әюпова аңлатмалар бирде.

Татарстан Рәисе өчен иммерсив экскурсия оештырылды, шулай ук ул музыка салонында булды.

Рөстәм Миңнеханов шулай ук Сәйдәшләр гаиләсе вәкилләре – композиторның оныгы һәм оныкчыгы белән аралашты.

Искәртәбез, Салих Сәйдәш музее «Татарстан Республикасы Милли музее» - ДБУК филиалы. Бина үзе – "1928-1954 елларда ТАССРның халык артисты, композитор Салих Сәйдәш яшәгән йорт» - төбәк әһәмиятендәге мәдәни мирас объекты.