Рөстәм Миңнеханов Казанда яңа СИЗО бинасында булды

Казанда яңа тикшерү изоляторы ачылды. Объектта Татарстан Рәисе Рөстәм Миңнеханов, Россия Юстиция министры Константин Чуйченко, Җәзаларны үтәтү федераль хезмәте директоры Аркадий Гостев, Россия Федерациясе Президентының Идел буе федераль округындагы Тулы вәкаләтле вәкиле Игорь Комаров булды.

СИЗОның яңа бинасын 2022 елда төзи башлаганнар. Объект мең кешегә исәпләнгән. Проектны гамәлгә ашыру «Җинаять-үтәтү системасын үстерү (2018-2035 еллар)» федераль максатчан программасында каралган. Төзелеш мәйданы якынча 22 мең кв. м тәшкил итә.

Рөстәм Миңнеханов ассызыклаганча, әлеге биналар комплексын файдалануга тапшыру Казанда тикшерү изоляторларының тулылыгы проблемасын тулысынча хәл итә.

Республика Рәисе билгеләп үткәнчә, тикшерү изоляторы заманча төзелеш материалларын һәм яңа технологияләрне кулланып, махсус контингентны саклауда һәм урнаштыруда кыска вакыт эчендә төзелгән.

Тикшерү изоляторы составына административ бина, 6 режимлы корпус, шул исәптән шикләнелүче һәм гаепләнүче хатын-кызларны һәм балигъ булмаганнарны урнаштыру өчен аерым корпус, җыю-тикшерү бүлеге, озак һәм кыска вакытлы очрашулар корпусы, транзит-күчерү пункты корпусы, амбулаторияле медицина часте корпусы, кер юу бүлмәсе, УИС хезмәткәрләре өчен ашханә, склад бинасы, ремонт зонасы һәм юу урыны булган гараж керә.

Яңа СИЗО шикләнелүчеләрне һәм гаепләнүчеләрне тотуның заманча таләпләренә тулысынча туры килә. Медицина өлеше уңайлы хастаханә палаталары һәм заманча җайланмалар белән җиһазландырылган, шул исәптән инвалидлар һәм башка категориядәге аз хәрәкәтләнүче гражданнар өчен. Аның составына амбулатория, стационар, медицина изоляторы, стационар каршындагы ял итү ишегаллары керә.

Тикшерү изоляторында хуҗалык хезмәте күрсәтү отрядының хөкем ителүчеләре белән аларның туганнары белән озак вакытлы күрешүләр уздыру өчен биналар, шикләнелүчеләр, гаепләнүчеләр һәм хөкем ителүчеләрнең кыска вакытлы күрешүләре вакытында телефон сөйләшүләре өчен кабиналар бар.

Яңа учреждениенең үзенчәлеге - барлык режимлы биналар үзара күчеш галереяләре белән тоташтырылган, шуңа күрә урамга чыгып торылмый.

Хезмәт эшчәнлеге өчен уңайлы шартлар тудыру һәм хезмәт бурычларын үтәү өчен кирәкле физик формада калу максатларында УИС хезмәткәрләре өчен спорт залы һәм тир да каралган.