Рөстәм Миңнеханов LinGin Кытай компаниясенең штаб-квартирасында булды

Бүген Татарстан Рәисе Рөстәм Миңнеханов Кытай Халык Республикасына (КХР) эш сәфәре кысаларында LinGin компаниясе штаб-квартирасында булды.

LinGin - Geely Holding Group Кытай сәнәгать холдингының бүлекчәсе. Холдинг - Кытайның иң эре хосусый технологик һәм автомобиль конгломератларының берсе. Аның төп бүлекчәсе елына 2,1 миллионнан артык автомобиль җитештерә. Алар арасында-LinGin. Компания ясалма интеллект өлкәсендә алдынгы технологияләрне эшләү һәм гамәлгә кертү буенча махсуслаша.

LinGin штаб-квартирасынд Рөстәм Миңнехановка автомобиль тармагы өчен эшләнә торган барлык комплекслы хәл ителешләр турында сөйләделәр. Аерым алганда, автомобиль кабиналары өчен яңа буынны голографик сурәтләү системасын күрсәттеләр. Бу үзенә күрә машина йөртүченең шәхси виртуаль ярдәмчесе, ул сөйләмне таный һәм кулланучының гадәтләренә һәм өстенлекләренә яраклаша.

Моннан тыш, проекцион дисплейлар өчен өстәмә чынбарлык системасы (AR) күрсәтелде. Ул хәрәкәт полосалары буенча 3D навигацияне тәэмин итә һәм әйләнә-тирә мохит объектларын чагылдыра.

Рөстәм Миңнеханов Shibao компаниясенең Steer by Wire электрон руль идарәсе технологияләрен сынап карады. Технология машина йөртүчедән башкару механизмнарына турыдан-туры механик элемтәсез электр сигналлары ярдәмендә идарә итү йогынтысын тапшыруны күздә тота.