Рөстәм Миңнеханов: Игълан ителгән Россия халыклары бердәмлеге елын исәпкә алып, эшне планлаштыруга җитди карарга кирәк

Татарстан Республикасында 4 ноябрьдә, бөтен илдәге кебек үк, Халыклар бердәмлеге көненә багышланган чаралар узды. Әлеге чараларны уздырганда - чакыруларны һәм янауларны исәпкә алып – Россиянең күп милләтле халкы бердәмлегенең актуальлегенә аерым басым ясалды. Бу хакта бүген Татарстан Республикасы Хөкүмәте Йортында узган традицион киңәшмәдә Татарстан Рәисе Рөстәм Миңнеханов искәртте.

Рөстәм Миңнеханов хәбәр иткәнчә, ил Президенты Владимир Владимирович Путин Милләтара мөнәсәбәтләр советы утырышында 2026 елны Россия халыклары бердәмлеге елы дип игълан итү тәкъдимен хуплады.

«Республика гадәттәгечә югары дәрәҗәдәге милләтара һәм конфессияара тынычлык һәм татулык, җәмгыять бердәмлеге белән аерылып тора, - дип ассызыклады Рөстәм Миңнеханов. - Дәүләт башлыгы карары, һичшиксез, әһәмиятле вакыйга булып тора».

Татарстан Рәисе белдергәнчә, бу җәһәттән, игълан ителгән Россия халыклары бердәмлеге елын исәпкә алып, эшне планлаштыруга җитди карарга кирәк.