Татарстанда күп фатирлы йортларга капиталь ремонт ясау программасы чаралары 97%ка үтәлгән

Татарстан Республикасында күп фатирлы йортларга капиталь ремонт ясау программасы чаралары 28 муниципаль берәмлектә тәмамланган. Гомуми үтәлеш 97% тәшкил итә. Төзелеп беткән объектлар арасында – 757 күп фатирлы йорт. 122 йорт ремонт стадиясендә. Мондый мәгълүматларны бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Марат Айзатуллин китерде.

Традицион шимбә киңәшмәсен Татарстан Рәисе Рөстәм Миңнеханов үткәрде. Киңәшмәдә Татарстан Республикасы Премьер-министры Алексей Песошин катнашты.

Төбәктә шулай ук социаль-мәдәни объектларны капиталь ремонтлау программалары төгәлләнә. Программаларның бер өлеше үтәлде, дип хәбәр итте министр.

Социаль-мәдәни объектларны капиталь ремонтлауның 34 программасының 30ы төгәлләнгән. Стационарларны, мәдәният учреждениеләрен, шулай ук балаларны савыктыру лагерьларын ремонтлауны үз эченә алган 4 программа буенча эшләр дәвам итә.

Сәламәтлек саклау тармагында илкүләм проектка һәм ике республика программасына кертелгән 226 медицина объектыннан медицина стационарларын ремонтлау буенча бердәнбер программа эшләнеп бетмәгән, аның үтәлеше 91% тәшкил итә. 5 объект эшләнә әле - берәр Кукмара, Әлмәт һәм Саба муниципаль районнарында, шулай ук Казанда ике объект. Хисап чорында Зеленодольск районында бер объект тапшырылган.

Мәдәният тармагында 27 объектның икесе - «Гаилә» илкүләм проекты буенча Кукмара районында һәм берсе «Мәдәниятне үстерү» дәүләт программасы кысаларында Казанда. Төзелеш-монтаж эшләренең гомуми үтәлеше 98% тәшкил итә, барлык объектлар да югары әзерлек дәрәҗәсендә.

Яшьләр сәясәте линиясе буенча гамәлгә ашырыла торган биш республика һәм федераль программалардан (аларга 34 объект кертелгән) бары тик балаларны савыктыру лагерьларын ремонтлау программасы гына эшләнеп бетмәгән. Программага кертелгән 13 объектның Зеленодольск муниципаль районында «Пионер» лагерен тәмамлыйсы кала. Аның буенча үтәлеш 87% дип теркәлә.

Шулай ук агымдагы җылы бирү чоры кысаларындагы чаралар турында да мәгълүмат җиткерелде. Муниципаль районнар әзерлек паспортларын рәсмиләштерү эшен дәвам итәләр. Хәзерге вакытта республиканың 35 муниципаль берәмлеге тиешле паспортлар алган. Тагын сигез муниципалитетка мәсьәләне аерым контрольгә алырга һәм эшне билгеләнгән вакытта тәмамларга кирәк. Муниципаль берәмлекләр өчен әзерлек паспортларын алуның иң чик вакыты - 2025 елның 20 ноябре.

Киңәшмә барышында республикада күп фатирлы йортларның йорт чатларын «Макс» илкүләм мессенджерына күчерү буенча эш алып барылуы билгеләп үтелде. Хәзерге вакытта 18 151 күп фатирлы йортның 7 213е «Макс»ка күчерелгән, бу 40% тәшкил итә.

«Макс" илкүләм мессенджерын гамәлгә кертү буенча юл картасы Татарстан Республикасы Министрлар Кабинетының 06.10.2025 № 2227-р күрсәтмәсе белән расланган.