2025 елда "Безнең ишегалды" программасы кысаларында юл эшләре тулысынча төгәлләнгән, тышкы яктырту һәм җайланмалар урнаштырылган.

Бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зиннәтуллина 2025 елгы «Безнең ишегалды» программасын гамәлгә ашыру һәм киләсе елга әзерлек турында сөйләде.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.

Бүгенгә 2025 ел ишегаллары буенча бурычлар төгәлләнү стадиясендә. Юл эшләре 100%ка башкарылган, тышкы яктырту һәм җайланмалар урнаштыру, шулай ук җайланмаларны идарәче оешмаларга тапшырылган. Төзекләндерү нәтиҗәләрен кабул итү дәвам итә. Төзелеш сезоны дәвамында 741 хокук бозу очрагы ачыкланган, алар оператив рәвештә төзәтелгән.

Соңгы 2 атнада Казанның калган 77 ишегалды буйлап контроль йөрүләр үткәрелгән. Юл эшләре һәм идарәче оешмалар эше буенча барлыгы 35 кисәтү ачыкланган. Аларны бетерү вакыты - 7 ноябрь. Җайланмаларның сыйфатына килгәндә, "Татлизинг" җитештерүче заводларга дәгъвалар әзерләү һәм җибәрү буенча эш алып бара.

Хәзерге вакытта 677 ишегалды территориясенең 630ы кабул ителгән. Шулай итеп, Казаннан кала, муниципаль берәмлекләрдә кабул итү төгәлләнгән диярлек.

Хәзерге вакытта төп бурыч - документацияне тапшыру. 31 октябрьгә юллар буенча 54% документ тапшырылган, яктырту буенча - 78%. Җайланмаларны тапшыру документларына килгәндә, алар 100%ка тапшырылган.

Хәзерге вакытта программа адресына мөрәҗәгатьләр санының кимүе күзәтелә. Килгән сораулар нигездә ачыкланган кисәтүләргә һәм җитешсезлекләргә кагыла. Соңгы 2 атнада 10 районнан 168 мөрәҗәгать килгән. Хәзерге вакытта эштә вакыты чыккан мөрәҗәгатьләр юк.

2026 елга «Безнең ишегалды» программасын әзерләү дәвам итә. Хәзерге вакытта тикшерүгә 529 беренчел төзекләндерү схемасы йөкләнгән. Әлеге эш Казанда һәм Лениногорск районында төгәлләнмәгән әле. Әлеге бурыч буенча срок - 31 октябрь. Шулай ук тикшерүгә милекчеләрнең гомуми җыелышының 157 беркетмәсе йөкләнгән. Биектау районы бу эшне тулысынча төгәлләгән.