Рөстәм Миңнеханов Казахстанда Костанай өлкәсе Хакиме Кумар Аксакалов белән очрашты

Казахстанга эш сәфәре кысаларында Татарстан Рәисе Рөстәм Миңнеханов Казахстанда Костанай өлкәсе Хакиме Кумар Аксакалов белән очрашты.

"Бу катлаулы чорда Россия һәм Казахстан нәтиҗәле сәүдә-икътисади һәм мәдәни-гуманитар партнерлыкны саклап калды. Без Президент Касыым-Жомарт Токаевка Татарстан - Казахстан хезмәттәшлеген үстерүгә аерым игътибар биргәне һәм уртак проектларны гамәлгә ашыруда үзгәрешсез ярдәм күрсәтергә әзер булуы өчен рәхмәтле", - диде республика Рәисе.

Ул билгеләп үткәнчә, Казахстан - Татарстанның әйдәп баручы чит ил партнерларының берсе. Үзара сәүдә күләме динамик үсеш күрсәтә. Рөстәм Миңнеханов азык-төлек сәнәгате, машина төзелеше, АСК, энергетика, нефть химиясе һәм башка өлкәләрдә хезмәттәшлек өчен яхшы мөмкинлекләр барлыгын билгеләде.

Республика Рәисе билгеләп үткәнчә, Татарстан - Казахстан багланышларының көн тәртибе шактый бай. Даими нигездә төрле дәрәҗәдәге делегацияләр алмашуы алып барыла. Эшлекле хезмәттәшлекне һәм туристик багланышларны үстерүгә Казан, Астана һәм Алматы арасында даими авиа- һәм тимер юл элемтәсе ярдәм итә.

Рөстәм Миңнеханов ассызыклаганча, Татарстан Костанай өлкәсе белән хезмәттәшлекне киңәйтү мөмкинлеген югары бәяли. "Бездә күп кенә юнәлешләр буенча элемтәләрне үстерү өчен яхшы нигез бар", - дип өстәде Татарстан Республикасы Рәисе.