Рөстәм Миңнеханов Россия Президенты Владимир Путин белән очрашуда сайлауларның ничек узуы һәм икътисадый үсеш темплары турында хәбәр итте

Рөстәм Миңнеханов Россия Федерациясе Президенты Владимир Путин белән очрашуда дәүләт башлыгының ил төбәкләренә һәм республикага күрсәткән игътибары һәм даими ярдәме өчен ихлас рәхмәт белдерде. Бу хакта ул Владимир Путинның Бердәм тавыш бирү көне - 2025 елның 14 сентябре барышында сайланган Россия Федерациясенең 21 субъекты башлыклары белән очрашуы (видеоконференцэлемтә режимында) барышында хәбәр итте.

"Бу безнең өчен бик мөһим һәм ышанычлы үсеш өчен нигез булып тора, - дип ассызыклады Рөстәм Миңнеханов. – Бердәм тавыш бирү көнендә 14 сентябрьдә Татарстанда республика Башлыгын (Рәисен), җирле үзидарәнең вәкиллекле органнары депутатларын сайлаулар узды. Тавыш бирүдә республиканың 2 млн. 230 мең гражданы катнашты, бу республикада теркәлгән барлык сайлаучыларның 75,8%ын тәшкил итә. Моннан тыш, безнең тарафтан махсус хәрби операция уздыру зонасында хәрби бурычларын үтәүче яклаучыларыбызның тавыш бирүен тәэмин итү өчен барлык кирәкле шартлар да тудырылды. Моның өчен хәрби частьләрдә 5 экстерриториаль сайлау участогы төзелде".

"Республиканың барлык шәһәрләрендә һәм торак пунктларында татарстанлылар үз вәкилләрен сайлады-бу 7 мең 531 депутат. Алар арасында - МХОдәге 113 катнашучы. Узган сайлауларның нәтиҗәләрен сезнең җитәкчелектәге федераль үзәк белән тыгыз элемтәдә гамәлгә ашырыла торган сайланган курсны хуплау буларак карыйбыз», - диде Рөстәм Миңнеханов, Владимир Путинга мөрәҗәгать итеп.

"Хөрмәтле Владимир Владимирович, кыскача хәбәр итәргә теләдем, Татарстан быел контракт буенча хәрби хезмәткә җәлеп итү буенча еллык планны вакытыннан алда үтәде. Бүген республикада безнең сугышчыларга һәм аларның гаилә әгъзаларына һәрьяклап ярдәм күрсәтелә. Бу бурыч безнең өчен өстенлекле булып кала", - дип хәбәр итте Рөстәм Миңнеханов.

Моңарчы күрелмәгән басымга карамастан, төп макроикътисадый күрсәткечләр үсешен тәэмин итеп, республика икътисады үсүен дәвам итә. "Тулаем төбәк продукты буенча без узган елга карата 102,9%ка якын барабыз, сәнәгать җитештерүе индексы - 111%, төзелеш эшләре күләме – 100%ка якын. Инде 2,8 млн кв метр торак файдалануга тапшырылды, бу 101,8%. Авыл буенча да - узган елга карата 107,6% үсеш темплары. Республиканың оборона-сәнәгать комплексы предприятиеләре дәүләт куйган стратегик бурычларны үтәү өчен эшләрен интенсив режимда дәвам итәләр", - дип хәбәр итте Рөстәм Миңнеханов.

Авыл хуҗалыгына килгәндә, бүгенге көндә бөртекле һәм кузаклы культуралар җыю төгәлләнде. Республикада 4,5 млн тоннадан артык ашлык суктырылган. Соңга калган традицион культураларны җыю бара. «Бу республика халкын авыл хуҗалыгы продукциясе белән тулысынча тәэмин итәргә һәм аннан шактый күләмдә чыгарырга мөмкинлек бирә», - дип билгеләп үтте Татарстан Рәисе.

"Моннан тыш, без илкүләм проектлар өчен ихлас рәхмәтле. Без аларга зур игътибар бирәбез, чөнки бу – гражданнарыбызның тормыш сыйфатын күтәрүнең реаль чаралары», - дип белдерде Рөстәм Миңнеханов.

Татарстан Рәисе дәүләт башлыгын республика җитәкчелеге ил җитәкчелегенә һәм шәхсән Россия Президенты Владимир Путин күрсәткән ышанычны аклар дип ышандырды.

"Хөрмәтле Владимир Владимирович, ышандырасым килә, сайлаулардан соң формалашкан республика Хөкүмәте, җирле үзидарә органнары командасы киләчәктә дә барлык юнәлешләр буенча нәтиҗәле эшләргә әзер, киләчәктә дә ил җитәкчелегенә һәм шәхсән Сезнең ышанычны акларга әзер", - дип ышандырды Рөстәм Миңнеханов.

Россия Президенты Рөстәм Миңнехановка уңышлар теләде һәм Мәскәү һәрвакыт ярдәм итәчәк, дип билгеләп үтте.

"Рөстәм Нургалиевич, республика күп еллар дәвамында төбәк тулаем продуктының үсеш темпларын, икътисад үсеш темпларын бик яхшы күрсәтә, федерациянең күп кенә субъектлары өчен үрнәк булып тора, - диде Владимир Путин. - Сез-тәҗрибәле һәм республикада ихтирам казанган кеше. Мин чын күңелдән уңышлар телим. Куелган барлык бурычлар да хәл ителер дип ышанам. Ә Мәскәү, әлбәттә, һәрвакыт янәшә булачак, Сезнең башлангычларга ярдәм итәчәк, Сез моны беләсез, без Сезнең белән даими элемтәдә».