Татарстан Республикасы Дәүләт Киңәшчесе Минтимер Шәймиев Татарстан Республикасы Рәисен сайлауларда катнашты

Бүген, Бердәм тавыш бирү көнендә, Татарстан Республикасы Дәүләт Киңәшчесе Минтимер Шәймиев Татарстан Республикасы Рәисен һәм җирле үзидарәнең вәкиллекле органнары депутатларын сайлауларда катнашты.

Минтимер Шәймиев Татарстан Республикасы Лаеш районының Боровое Матюшино бистәсендәге сайлау участогында тавыш бирде.

Тавыш биргәннән соң Минтимер Шәймиев: "Республика, бәхеткә каршы, алга таба уңай хәрәкәт итә. Һәм кем сайланырга тели, бу җаваплылыкны үз өстенә ала. Ә бу һәрвакыт, елдан-ел җиңелрәк була бармый, катлаулырак һәм катлаулырак була бара. Заманнар беркайчан да гади булмый һәм булмаячак та. Без инде яхшы эшләргә өйрәндек яки күнектек. Мин шулай дип әйтер идем. Ә бу алай җиңел түгел. Әлегә без булдырабыз. Алга таба да шулай булыр дип уйлыйм. Гомумән алганда, безнең ил дә үсә, ә иң мөһиме - безнең илдә, Россиядә халыклар арасында тынычлык һәм татулык бар. Менә нәрсә мөһим. Россия зур, күпмилләтле ил бит. Уртак тел табабыз, акрынлап үзара аңлашу ныгый»