Рөстәм Миңнеханов «Газпромбанк" АҖ җитәкчелеге белән очрашты

Татарстан Рәисе Рөстәм Миңнеханов «Газпромбанк» АҖ идарәсе рәисе урынбасары Дмитрий Зауэрс белән очрашты. Очрашу ТР Хөкүмәте Йортында узды.

Очрашуда Татарстан һәм «Газпромбанк» АҖнең инвестицион проектларны гамәлгә ашыру һәм банкның республиканың фәнни-мәгариф оешмалары белән хезмәттәшлеге турындагы багланышлары турында фикер алыштылар.

Шулай ук бүген Дмитрий Зауэрс «Татнефтехиминвест-холдинг» АҖ Директорлар советы утырышында чыгыш ясады, анда ул «Газпромбанк»ның технологик лидерлык илкүләм проектларын гамәлгә ашыруда катнашуы турында сөйләде.