Рөстәм Миңнеханов һәм Россия Федерациясе Авыл хуҗалыгы министрлыгы башлыгы Оксана Лут Чистай районында булдылар һәм бәрәңге эшкәртү буенча яңа завод ачылышында катнаштылар

Бүген Россия Федерациясе Авыл хуҗалыгы министры Оксана Лут, Татарстан Рәисе Рөстәм Миңнеханов һәм башка рәсми затлар Чистай муниципаль районында һәм монда урнашкан «Чистай"холдинг компаниясе» АҖнеке булган җитештерүләрдә булдылар.

Искәртәбез, Россия Федерациясе Авыл хуҗалыгы министры Оксана Лут Татарстанга эш сәфәре кыла.

Беренче объект Александровка авылында «Чиста фри» ҖЧҖендә бәрәңге саклагыч булды.

Яшелчәләр өчен саклагычлар заманча технологияләр кулланып төзелгән һәм саклана торган продукция күләмен сизелерлек арттырырга гына түгел, ә аны саклау өчен оптималь шартлар тудырырга да мөмкинлек бирә. Монда шулай ук сортларга аеру цехы файдалануга тапшырылган. Планнарда - яшелчәләрне саклау куәтләрен алга таба да арттыру .

Аннары Татарстан Рәисе һәм Россия Федерациясе Авыл хуҗалыгы министрлыгы башлыгы Александровка авылында булдылар - "Чистай" агрофирмасы хезмәткәрләре гаиләләре өчен 11 йорт "Авыл территорияләрен комплекслы үстерү" дәүләт программасы кысаларында төзелгән. Торак комплекска быел март аенда кешеләр күчкәннәр.

Торак йортларны карау барышында Рөстәм Миңнеханов һәм Оксана Лут бер гаиләгә кунакка керделәр һәм гаилә әгъзалары белән аралаштылар. Мондый проектларны гамәлгә ашыру – авыл хуҗалыгы районнарының сәнәгать потенциалын үстерү, ә иң мөһиме - кешеләрне авылда калдыру өчен төп коралларның берсе.

Аннары Татарстанның Чистай районында «Чиста фри» ҖЧҖендә бәрәңге эшкәртү һәм консервлау заводын ачу тантанасы булды. Завод «Чистай» алгарышлы үсеш территориясендә урнашкан, кирәкле инженерлык коммуникацияләре һәм бәрәңге кырларына якын булуы каралган.

Предприятие «Чистай" холдинг компаниясе» АҖнеке - ул бәрәңге, шул исәптән фри һәм чипслар җитештерү өчен сортлар җитештерүчеләрнең иң эреләреннән берсе. Элек бәрәңге эшкәртү өчен башка заводларга җибәреләгән һәм ваклап сатылган. Яңа предприятие холдингка бәрәңгене эшкәртү һәм консервлау проектының беренче чиратын тормышка ашырырга мөмкинлек бирәчәк, елына 40 000 тонна бәрәңге эшкәртү планлаштырыла. «

Чиста фри» ҖЧҖ җитештерүен ачуда сәламләү сүзләре белән Россия Федерациясе Авыл хуҗалыгы министрлыгы башлыгы Оксана Лут, Татарстан Рәисе Рөстәм Миңнеханов, «Чистай" холдинг компаниясе» АҖ Директорлар советы рәисе Альберт Хөснуллин чыгыш ясадылар.

Бүген ачыла торган заводның азык-төлек сәнәгатенең икътисадый әһәмиятле объекты булуы ассызыкланды. Россия авыл хуҗалыгы министры Оксана Лут сәламләү сүзендә бәрәңге эшкәртү предприятиеләренең икътисадый тотрыклылык һәм яшелчәчелек өчен бик мөһим булуын әйтте.

"Без бүген яңа саклагычларны карадык, предприятиенең ничек эшләве турында фикер алыштык. Бу сугарулы җирләрдә продукция үстерү, бу исә тотрыклы уңыш алырга һәм яшелчәләрнең тиешле сыйфатын саклап калырга мөмкинлек бирә. Узган елда бәрәңге эшкәртү базары 10%ка үсте, һәм, әлбәттә, Татарстан Республикасы территориясендә мондый предприятие төзү мөһим этап булып тора. Төбәк бәрәңге җитештерү буенча Россиядә барлык секторларда, шул исәптән шәхси ярдәмче хуҗалыкларда да, икенче урында тора. Без киләчәктә дә бу юнәлешкә ярдәм итәчәкбез. Якын киләчәктә бәрәңге эшкәртү буенча яңа проектлар барлыкка килер дип ышанам. Предприятиегә чәчәк атуын телим", - диде Оксана Лут.

Татарстан Рәисе Рөстәм Миңнеханов: "Без бүген «Чистай» холдингында эшнең системалы һәм стратегик яктан дөрес баруына тагын бер мәртәбә инандык. Рөстәм Миңнеханов искәрткәнчә, бүген Россия Федерациясе Авыл хуҗалыгы министрлыгы башлыгы белән алар бәрәңге саклагычта һәм сортларга аеру комплексында булганнар, шулай ук холдинг хезмәткәрләре өчен яңа торак караганнар.

«Чистай» холдингы бүген игенчелек, авыл хуҗалыгы продукциясен эшкәртү һәм мелиорация өлкәсендә иң заманча һәм инновацион холдингларның берсе, - дип белдерде Рөстәм Миңнеханов. - Бу юнәлешләр буенча «Чистай" холдингы уңай нәтиҗәләр күрсәтә. Сезгә яхшы эшләр телим һәм барлык проектлар да республика җитәкчелеге тарафыннан хупланачагына ышандырасым килә".

«Чистай" холдинг компаниясе» АҖ Директорлар советы рәисе Альберт Хөснуллинга яңа предприятиенең символик ачкычы тапшырылды. Үз чиратында, Альберт Хөснуллин «Чистай» холдинг компаниясе исеменнән федераль авыл хуҗалыгы министрлыгына һәм Татарстан Республикасы җитәкчелегенә ярдәмнәре өчен рәхмәт белдерде. "Ярдәмегез өчен рәхмәт, - диде ул. - Сезнең ярдәмегездән башка без мондый темплар белән үсә алмас идек».

Искәртәбез, «Чиста фри» ҖЧҖендә бәрәңге эшкәртү һәм консервлау буенча яңа завод тиз арада алдынгы технологияләрне кулланып төзелгән, җитештерүне ачу – республиканың бөтен агросәнәгать комплексын һәм турыдан-туры «Чистай» холдингын үстерүдә мөһим этап.

Завод ачылганнан соң «Чистай» ХКны кыскача тәкъдир иттеләр. Холдингта саклау һәм логистика өчен сыйфатлы инфраструктура булдырылган. Бу үзләренең 5 элеватор, 42 мең тоннага исәпләнгән яшелчә саклагычлары, эре техника автопаркы.

Терлекчелек өлкәсендә зур эш башкарыла: холдинг структурасында 15 ит-сөт фермасы эшли, шулай ук кошчылык фабрикасы бар, быел «Чистай» казылык цехы ачкан.