Рөстәм Миңнеханов «Агроволга» күргәзмәсе кысаларында АСК белгечләренә яңа автомобильләр тапшырды

Татарстан Рәисе Рөстәм Миңнеханов гадәттәгечә «Казан Экспо» мәйданчыгында оештырылган «Агроволга - 2025» халыкара агросәнәгать күргәзмәсендә катнашты.

Күргәзмә кысаларында АПК белгечләренә яңа автомобильләр тапшыру тантанасы узды-барлыгы 105 машина.

"Сез республика авыл хуҗалыгының тотрыклы һәм нәтиҗәле эшен тәэмин итәсез. Яңа автомобильләр сезнең эшчәнлекнең нәтиҗәлелеген барлык дәрәҗәләрдә дә күтәрергә мөмкинлек бирәчәк. Татарстан - илебезнең алдынгы агросәнәгать төбәкләренең берсе. Быелгы уңышка өмет зур. Нәтиҗәле хезмәтегез өчен рәхмәт", - диде Рөстәм Миңнеханов.  

Республиканың авыл хуҗалыгы һәм азык-төлек идарәләре, Татарстан Дәүләт техника күзәтчелеге идарәләре һәм Татарстан Республикасы Министрлар Кабинетының Баш ветеринария идарәсенең автопарклары тулыланды. Татарстан Кулланучылар оешмалары берлегенең район филиалларына чираттагы автолавкалар партиясе тапшырылды.