Рөстәм Миңнеханов Анкарада Төркия сәүдә министры Омер Болат белән очрашты

Татарстан Рәисе Рөстәм Миңнеханов Анкарада Төркия Республикасы сәүдә министры Омер Болат белән очрашты.

Быел Казанга KazanForumга министр кушуы буенча урынбасары Мәхмүт Гюрдҗан җитәкчелегендәге Төркия делегациясе җибәрелгән иде. Петербург халыкара икътисади форумы кырларында Рөстәм Миңнеханов Төркия сәүдә министрының тагын бер урынбасары Мостафа Туздҗу белән очрашты.

"Төркиянең кайбер алдынгы компанияләре Татарстанда эре проектларны гамәлгә ашыра. Алар барысы да ике ил җитәкчелеге һәм шәхсән Президентлар ярдәме белән уңышлы. Нәкъ менә аларның икътисади хезмәттәшлекне ныгытуга омтылышы төбәкләргә җитди проектларны тормышка ашырырга мөмкинлек бирә", - дип билгеләде Рөстәм Миңнеханов. 

Узган ел нәтиҗәләренә буенча Татарстан белән Төркия арасында товар әйләнеше ике мәртәбә артты һәм 5,3 миллиард доллар тәшкил итте. Шул ук вакытта яклар автомобиль сәнәгате һәм автокомпонентлар, станоклар төзү һәм металл эшкәртү, авыл хуҗалыгы һәм азык-төлек сәнәгате, авыл хуҗалыгы машиналары төзү кебек тармакларда үсешкә мөмкинлекләр барлыгын билгеләп үттеләр.