Рөстәм Миңнеханов һәм Росморречфлот башлыгы Хезмәттәшлек турында килешү имзаладылар

Татарстан Рәисе Рөстәм Миңнеханов һәм Диңгез һәм елга транспорты федераль агентлыгы җитәкчесе Андрей Тарасенко республика Хөкүмәте һәм Росморречфлот арасында республика елга портларында йөк төяү комплексларын үстерү буенча Хезмәттәшлек турындагы килешүгә кул куйдылар.

Татарстан Республикасында мультимодаль логистика үзәкләрен үстерү барлык транспорт төрләрендә, шул исәптән «Төньяк – Көньяк» һәм «Көнбатыш – Көнчыгыш» халыкара транспорт коридорлары буенча йөк ташу потенциалын ныгытырга, шулай ук Идел буеның барлык төбәкләре өчен экспорт-импорт йөкләре күләмен арттырырга мөмкинлек бирәчәк.

Килешүдә якларның мәгълүматлар алмашу, уртак консультацияләр уздыру, кирәк булган очракта порт һәм порт яны инфраструктурасын үстерүгә юнәлдерелгән уртак эшче төркемнәр төзү ниятләре карала.

Моннан тыш, Петербург халыкара икътисадый форумы кырларында Рөстәм Миңнеханов барында "Россия" акционер банкы «АҖ һәм» Алабуга" СПТ МИЗ" АҖ арасында, шулай ук "Россия" акционер банкы" АҖ һәм "Союз-Регион" компанияләр төркеме" ҖЧҖ арасында Хезмәттәшлек турында килешүләр имзаланды.