Татарстанга төрекмән халкының Милли лидеры, Төрекмәнстан Халык Мәсләхәте Рәисе Гурбангулы Бердымөхәммәдов килде.
«Казан» халыкара аэропортында аны Татарстан Рәисе Рөстәм Миңнеханов каршы алды.
Казанга визиты кысаларында Гурбангулы Бердымөхәммәдов «Россия-Ислам дөньясы: KazanForum» XVI ел саен үткәрелә торган халыкара икътисадый форум эшендә катнашачак.
Шулай ук Рөстәм Миңнехановның Гурбангулы Бердымөхәммәдов белән эшлекле очрашуы да планлаштырылган.