Татарстанда күп фатирлы йортларга капиталь ремонт программасы 19%ка үтәлгән

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин социаль-мәдәни өлкә объектларын капиталь ремонтлау, күп фатирлы йортларны һәм гидротехник корылмаларны ремонтлау программаларын гамәлгә ашыруның барышы турында хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.

33 гомуми белем бирү оешмасы буенча ремонт 38%ка башкарылган. Бүгенге көндә 31 объект эшләнә әле. Май ахырында подрядчылар тагын 2 мәктәпне ремонтларга керешергә тиеш - хәзер әзерлек эшләре алып барыла.

Гомуми белем бирү оешмаларында 83 функциональ зонаны ремонтлау программасы тәмамланып килә. План күләмнәренең 1%ы тәмамланырга тиеш. Бүгенгә 77 объект тәмамланган, шул исәптән дүртесе Апас, Зеленодольск, Питрәч һәм Алексеевск районнары мәктәпләрендә, алар соңгы ике атнада тапшырылган.

Азык-төлек блокларын ремонтлау программасы уку елы тәмамланганнан соң артачак - бүгенге көндә 74 объектның 11ендә эшләр бара. Эшләрнең гомуми үтәлеше 3% тәшкил итә.

11 мәктәпкәчә мәгариф учреждениесендә ремонт эшләре 28%ка башкарылган. Ресурс үзәкләренең 8 бинасы буенча эшләр 34%ка үтәлгән. Подрядчылар тарафыннан 5 объектта эшләр алып барыла. Зәй шәһәрендә соңгы объектны башлау вакыты - уку процессы тәмамланганнан соң май ахыры. Соңгы ике атнада подрядчылар Кукмара районында һәм Казан шәһәрендә ике объектта эшләрне төгәлләгән. 4 тулай торакта ремонт эшләре 39%ка башкарылган.

Сәламәтлек саклау өлкәсендә зур күләмдә эшләр башкарасы бар - 2 республика программасы һәм илкүләм проект исемлегенә 226 объект кергән. Шуның яртысыннан күбрәген фельдшер-акушерлык пунктлары тәшкил итә. 117 объект буенча эшләр 66%ка башкарылган. Бу ай ахырына кадәр подрядчылар калган 7 ФАПка керешәчәк. Узган ике атнада тугыз муниципалитетта урнашкан 15 объект төзелеп беткән.

Шулай ук бу вакыт эчендә 8 районда балалар өчен сөт ризыкларын таратуның 12 пунктында ремонт эшләре төгәлләнгән. Шулай итеп, тапшырылган объектлар саны 27гә җитә. 26 сөт кухнясын ремонтлау эшләре актив бара. Май уртасыннан тагын 3 яңартуга керешәчәкләр. Эшләрнең гомуми үтәлеше 56% дип бәяләнә. 17 медицина стационарын ремонтлау дәвам итә. 20 майга кадәр подрядчылар тагын 2 объектта эшкә керешәчәк. Гомумән алганда, программаның үтәлеше 20% тәшкил итә.

17 участок хастаханәсе һәм амбулаториясен ремонтлау буенча эшләр күләме - 43%ка, 17 поликлиника буенча 39%ка җиткән. Бу атнада Әлмәттә подрядчылар тарафыннан бер объект тапшырылган.

«Мәдәният» тармагы буенча 4 республика һәм федераль программага 27 объект кертелгән. 19 авыл мәдәният йортында ремонт 60%ка башкарылган. 3 балалар сәнгать мәктәбе 55%ка ремонтланган. Һәм башка 5 мәдәният учреждениесе буенча үтәлеш - 15%.

Яшьләр министрлыгы линиясе буенча быел 5 республика һәм федераль программа кысаларында 34 объект ремонтлана. 13 лагерьда ремонт эшләре 36%ка башкарылган. 4 яшүсмерләр клубы буенча 39%ка үтәлгән. 9 психологик-педагогик ярдәм үзәген ремонтлауда подрядчылар барлык эшләрнең 41%ын башкарган. 8 яшьләр үзәген ремонтлау буенча программа чараларын үтәү күрсәткече 45%ка җиткән.

Хезмәт, халыкны эш белән тәэмин итү һәм социаль яклау министрлыгына 2 программа буенча ремонтлана торган 80 объект карый. Социаль хезмәт күрсәтү учреждениеләрен ремонтлау программасы 61%ка үтәлгән. 31 объектның 2 учреждениесе калган, алар буенча эшләр май уртасыннан башланырга тиеш. Соңгы ике атнада Казанда бер объект файдалануга тапшырылган.

Мәшгульлек үзәкләрен ремонтлау буенча эшләр барлык 49 объектта да алып барыла. Агымдагы үтәлеш 25% дип бәяләнә.

«Экология» өлкәсендә гидротехник корылмаларны ремонтлау, күлләрне чистарту һәм елгалар суларын чистарту буенча ике программага 21 объект кертелгән. Алар буенча гомуми үтәлеш 54% тәшкил итә. Питрәч һәм Яңа Чишмә районнарында 2 объектта эшне июньнән дә соңга калмыйча башлау планлаштырыла. Узган ике атнада Зеленодольск районында объект төзелеп беткән.

Урманчылыкларның 9 бинасы 79%ка ремонтланган. Соңгы ике атнада подрядчылар Чирмешән, Арча районнарында һәм Зеленодольск шәһәрендә берәр объект тапшырганнар.

Авыл хуҗалыгы һәм азык-төлек министрлыгы карамагындагы 11 бинада ремонт 81%ка башкарылган. Бу атнада Мөслим, Кайбыч һәм Азнакай районнарында берәр объект төзелеп беткән.

20 спорт объектын ремонтлау - 37%ка, 5 янгын депосын ремонтлау - 52% ка һәм Эчке эшләр министрлыгы линиясе буенча 28 бинаны ремонтлау 56%ка әзер. Ике атна эчендә Казан һәм Чаллы шәһәрләрендә берәр объект файдалануга тапшырылган.

39 объектны үз эченә алган башка республика программалары буенча мәгълүмат. Башкарма комитетларны ремонтлау программасы тәмамлануга якынлашып килә - подрядчылар үтәлешнең 99%ы турында хисап тотканнар. Ярты ай эчендә Апас, Теләче һәм Спас районнарындагы объектларда эшләр төгәлләнгән.

Хәрби комиссариатларны ремонтлау программасы 34%ка үтәлгән. 18 объектның 14е ремонтлана. Тагын 4 объектта ремонт июнь ахырына кадәр башланачак.

Ике муниципаль архивта ремонт 65%ка башкарылган. Җәмәгать судьялары биналарын ремонтлау программасының үтәлеше 53% дип бәяләнә. Монда шулай ук 2 объектны ремонтлау планлаштырылган. Росгвардия карамагындагы биналарны ремонтлау программасы буенча эшләр 21%ка үтәлгән. 5 объект эшләнә. Казанда ике бина май ахырында ремонтлана башлаячак.

Күп фатирлы йортларга капиталь ремонт ясау программасы быел 42 муниципалитетка кагыла. Аңа 911 йорт кертелгән, шуларның 16сының махсус счетлары бар, анда милекчеләр капремонт фондын үзләре төзи. Электрон аукционнар оештыру эше дәвам итә. Торак-коммуналь хуҗалык фонды тарафыннан 708 күп фатирлы йортка подряд оешмалары билгеләнгән, шул исәптән лифт җайланмаларын алмаштыру буенча - 134 объектка, төзелеш-монтаж эшләрен башкару буенча - 574 йортка.

Бүгенге көнгә торглар узган йортларның 387се ремонтлана. Алар республиканың 27 муниципалитетында урнашкан. Бүгенге көнгә программаның гомуми үтәлеше - 19%. Калган йортларга график буенча май уртасыннан керешергә тиешләр. Узган 2 атнада 5 муниципалитетта 9 күп фатирлы йортта эшләр төгәлләнгән.