Татарстанда торак төзелеше буенча еллык план 35% ка үтәлгән - 1 млн 145 мең кв. м тапшырылган

Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин торак төзелеше, гражданнарның аерым категорияләрен торак белән тәэмин итү программалары, социаль-мәдәни өлкә объектлары төзелеше турында сөйләде.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.

Марат Айзатуллин җитештерүдә имгәнү очраклары турында мәгълүматтан башлады. Гыйнвардан республиканың төзелеш мәйданчыкларында 6 бәхетсезлек очрагы теркәлгән. Сәбәпләре - биеклектән егылып төшү һәм предметларның җимерелүе. Шул ук вакытта ул контроль-күзәтчелек органнарының хезмәтне саклау нормаларын үтәү буенча тикшерүләре туктатылмавын ассызыклады.

Еш кына төзелеш мәйданчыкларына ҮОО вәкилләре чыккан - ел башыннан 354 тикшерү үткәрелгән, һәр икенче тикшерү хокук бозулар ачыклаган. Хокук бозучыларга карата 174 тапкыр дисциплинар йогынты чаралары кулланылган.

Тагын 302 тикшерү Дәүләт төзелеш күзәтчелеге инспекциясе уздырган. Нормаларны һәм кагыйдәләрне үтәмәгән өчен административ җаваплылык турында 65 карар чыгарылган. Баш инвестиция-төзелеш идарәсе (БИТИ) ел башыннан 134 контроль-күзәтчелек чарасы уздырган.

Марат Айзатуллин хәбәр иткәнчә, 1 апрельдә традицион «Чиста төзелеш» проекты старт ала. Аның максаты - шәһәрләрнең һәм торак пунктларның чисталыгын тәэмин итү. Шуңа бәйле рәвештә төзелеш мәйданчыклары территорияләрен, эш урыннарын җыештыруны оештырырга һәм төзелеш чүп-чарын чыгаруны тәэмин итәргә кирәк. Тәгәрмәчләр юу пунктларына аерым игътибар бирергә кирәк.

Торак төзелешенә килгәндә, 22 мартка еллык план 35%ка үтәлгән, 1 млн 145 мең кв. м. файдалануга тапшырылган. Коммерциячел торак төзүчеләр планлаштырылган күләмнең 4%ын тапшырган. Төзелгән 15 күп фатирлы йортның гомуми мәйданы 61 мең кв. метрдан артып китә. Еллык планның социаль агым өлешендә үтәлеше 32%ка бәяләнә. Быел төзелергә тиешле 35 йортның 4се файдалануга тапшырылган. Аларның гомуми мәйданы - 52 мең кв. м. Гадәттәгечә иң югары темпларны индивидуаль торак төзүчеләр күрсәтә - 1 млн 31 мең кв. м. файдалануга тапшырылган.

Марат Айзатуллин гражданнарның аерым категорияләрен торак белән тәэмин итү турында хәбәр итте. Ятим балаларны торак белән тәэмин итү буенча ярдәмче программага үзгәрешләр кертелгән - хәзер аларның саны 450 тәшкил итә. Әлеге категория вәкилләре өчен 37 фатир федераль бюджеттан финанслашу хисабына сатып алыначак. Хәзерге вакытта ТР Җир һәм мөлкәт мөнәсәбәтләре министрлыгы аларны сатып алуга аукцион игълан итәргә әзерләнә.

Яшь гаиләләрне торак белән тәэмин итү программасына 66 кеше кертелгән. Бүгенгә Яшьләр эшләре министрлыгы белән «Электрон бюджет» системасында 42 муниципалитет килешү төзегән. Бүгенгә барлык таныклыклар гаиләләргә тапшырылган, муниципаль берәмлекләр башкарма комитетларының шәхси счетларына акча күчерүгә әзерлек бара.

Биш һәм аннан да күбрәк баласы булган гаиләләр буенча 24 сертификатның гомуми мәйданы 1 961 кв. м булган 21 сертификаты рәсмиләштерелгән. Мәҗбүри күчеп килүчеләр, Ерак Төньяктан күчеп килүчеләр һәм чернобыльчеләр категориясендә бүгенгә барлык 3 сертификат рәсмиләштерелгән. Барлык өч гаилә буенча да банкта махсус счетлар ачылган, гариза бирүчеләр фатирлар сайлый.

ТР Төзелеш министрлыгы башлыгы хәбәр иткәнчә, торак төзелешенә ярдәм итүгә ике программа юнәлдерелгән. Республика программасы республиканың күп балалы гаиләләренә бирелгән җир кишәрлекләрен кирәкле инфраструктура белән тәэмин итүгә юнәлдерелгән. Биредә объектлар исемлеген билгеләү буенча эш алып барыла.

«Авыл территорияләрен комплекслы үстерү» дәүләт программасы - әлеге программаның өч объектында компактлы торак төзелеше өчен мәйданчыклар төзү планлаштырыла. Дәүләт контрактлары төзелгән. Югары Ослан районында урнашкан объектта подрядчылар эшли башлаган инде. Мәгариф өлкәсендә төзелешләре 2025 елга планлаштырылган барлык 6 мәктәп буенча контрактлар төзелгән. Өч мәктәп буенча төзелеш-монтаж эшләренең гомуми үтәлеше 20% тәшкил итә.

Төзелергә планлаштырылган 5 балалар бакчасының Биектау районындагы балалар бакчасы буенча контракт төзисе кала. Объектка аукцион узган, контракт 24 мартка төзеләчәк. Инде контрактлаштырылган объекттан өч балалар бакчасы буенча эшләр башланган. Аларның икесе Питрәч һәм Зеленодольск районнарында – яңалары, тагын берсе Апас шәһәр тибындагы бистәсендә – узган елдан калган. Гомумән алганда, үтәлеш 18% тәшкил итә.

Сәламәтлек саклау өлкәсендә 53 объект төзелә. Шуларның өчесе буенча гына дәүләт контрактлары төзелмәгән. Бу - республика программасы кысаларында Казанда кабул итү-диагностика бүлеге, аның буенча контрактны 24 мартта төзергә планлаштырыла, һәм төзелешләре

«Дәвамлы һәм актив тормыш» илкүләм проектында каралган ике поликлиника. Алар буенча контрактлар төзү 31 мартка билгеләнгән. Контрактланган объектлар өлешендә вәзгыять түбәндәгечә. Фельдшер-акушерлык пунктларын төзү эшләре 25%ка башкарылган. Эшләр 46 объектта алып барыла. Башка медицина учреждениеләре төзелеше буенча төзелеш-монтаж эшләре 19%ка башкарылган. Эшләр өч объектта алып барыла.

Алга таба - яшьләр сәясәте. 2025 ел планына 11 объект кертелгән. Аларның җидесенә контрактлар төзергә кирәк. Бу өч яшьләр үзәге, шуларның берсе «Авыл территорияләрен комплекслы үстерү» дәүләт программасына керә. Бу объект буенча аукцион узган, контракт төзүнең планлаштырылган датасы – 24 март.

Тагын ике яшьләр үзәге республика программасында каралган. Алар буенча да аукционнар узган, дәүләт контрактларын 25 мартта төзү планлаштырыла. Шул ук срокларда 3 балаларны савыктыру лагерен контрактлаштыру эше төгәлләнәчәк, тагын бер лагерь буенча контрактларны 31 мартта төзиячәкләр. Калган дүрт балаларны савыктыру лагере буенча дәүләт контрактлары төзелгән. Эшләр инде өч объектта алып барыла, шул исәптән Сарман районындагы объектта (2025 елдан калган).

Спорт линиясе буенча быел 23 объект төзелә. Дәүләт контрактлары төзелгән. Шул исәптән 4 ябык футбол манежы – Кукмара, Баулы, Менделеевск һәм Арча районнарында. Әлеге объектлар буенча гомуми үтәлеш 4% тәшкил итә. Былтырдан калган - Казанда Футбол үсеше үзәге буенча эшләр дәвам итә. Үтәлеш 31% тәшкил итә.

«Мәдәният" тармагының барлык дүрт объекты да «Авыл территорияләрен комплекслы үстерү» дәүләт программасы кысаларында төзелә. Контрактны бары тик бер объект буенча гына төзергә кала – бу Мамадышта район мәдәният йортын реконструкцияләү. Дәүләт контракты 24 мартка планлаштырылган.

Өч күп функцияле үзәк буенча шулай ук контрактлар төзелгән. Эшләр Мамадышта КФҮнең бер объектында алып барыла - эшләрнең гомуми күләме 97%ка үтәлгән. «Гаилә» илкүләм проекты кысаларында Зеленодольск районында Кайгырту йорты төзелеше дәвам итә. Объект буенча гомуми үтәлеш 43% тәшкил итә.

«Экология» тармагында Казанда ләм кырларын рекультивацияләү дәвам итә. Объект ахырына якынлаша - эшләр 88,5%ка башкарылган.

Исегезгә төшерәм, объект былтырдан калган һәм яңа «Экологик иминлек» илкүләм проектына керә.

Социаль инфраструктура төзелеше буенча калган республика программалары кысаларында барлык 25 объектка контрактлар төзелгән.

Җәмәгать киңлекләрен төзекләндерүдә колачлы эшләр билгеләнгән. Республика һәм федераль программалар буенча 61 объектны төзекләндерү планлаштырыла. Республика программасына кергән 10 объект буенча дәүләт контрактлары төзелгән инде.

«Яшәү өчен инфраструктура» илкүләм проектына кергән 21 объект буенча контрактлар 25 мартка билгеләнгән.

«Яшәү өчен инфраструктура» илкүләм проектының һәм уңайлы шәһәр мохитен булдыруның иң яхшы проектларының Бөтенроссия конкурсының тагын 30 объекты буенча контрактларны 28 мартта төзү планлаштырыла.