Татарстан Республикасы Төзелеш министрлыгы башлыгы республикада капиталь ремонт программаларының гамәлгә ашырылуы турында хәбәр итте

Бүген Татарстан Республикасы Хөкүмәте Йортында узган традицион киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин социаль-мәдәни өлкә объектларына, гидротехник корылмаларга һәм күп фатирлы йортларга капиталь ремонт эшләре торышы турында сөйләде.

Барлык муниципаль районнарны тоташтырып, киңәшмәне Татарстан Рәисе Рөстәм Миңнеханов үткәрде.

Мәгариф өлкәсендә 213 объектта ремонт планлаштырылган. 33 мәктәп, интернат-мәктәп, балалар йортлары һәм мәктәптән тыш эшләр үзәгенең 20се буенча дәүләт контрактлары төзелгән, калган 13 объект буенча аукцион узган, дәүләт контрактлары 25 мартка кадәр төзеләчәк. Мәктәпләрдә 83 функциональ зонаны ремонтлау буенча дәүләт контрактлары төзелгән инде, 74 мәгариф учреждениесендә азык-төлек блокларын ремонтлау буенча аукционнар узган, дәүләт контрактлары 17 һәм 18 мартка планлаштырылган. 11 балалар бакчасын ремонтлауга килгәндә, өч объект буенча контрактлар төзелгән, калган 8 балалар бакчасы буенча аукционнар узган инде, дәүләт контрактлары бу айның 24енә кадәр узачак. 8 ресурс үзәген ремонтлау буенча 5 объект инде контрактлаштырылган, калган 3 объект буенча аукционнар уздырылган, дәүләт контрактлары 18 мартка планлаштырылган. Ике объект буенча 4 тулай торакны ремонтлау буенча дәүләт контрактлары төзелгән һәм калган икесе буенча аукционнар узган, дәүләт контрактлары 21 мартка планлаштырылган. Контрактланган объектлар буенча эшләрнең барышы турында. Гомуми белем бирү оешмаларын ремонтлау буенча төзелеш-монтаж эшләре 10%ка башкарылган. 14 объект эшләнә. Мәктәпләрдә функциональ зоналарны ремонтлау буенча башкарылган эшләр 80% тәшкил итә. Зур булмаган эшләрне исәпкә алып, 32 муниципалитетта 63 объект төгәлләнгән инде. Биектау районының Дөбъяз авылында балалар бакчасы буенча үтәлеш 25% тәшкил итә. Ресурс үзәкләрен ремонтлау буенча эшләр Сарман һәм Апас районнарында ике объектта алып барыла. Бүгенге көнгә 5% һәм 8% эш башкарылган. Чаллы шәһәрендә тулай торакны ремонтлау буенча планлаштырылган эшләрнең 8%ы башкарылган.

Сәламәтлек саклау тармагының 226 объекты буенча. Аукционнар барлык объектлар буенча да узган. Дәүләт контрактлары төзү буенча вәзгыять түбәндәгечә. 17 мартка балалар өчен сөт ризыкларын өләшүнең 56 пункты буенча, 24 мартка кадәр республика программасы кысаларында 19 стационарны ремонтлау буенча контрактлар төзү планлаштырылган. Һәм 25 мартка кадәр - «Дәвамлы актив тормыш» илкүләм проекты кысаларында 151 сәламәтлек саклау объекты буенча.

Алга таба «Мәдәният» тармагының 27 объекты буенча. Аукционнар барлык объектлар буенча да уздырылган инде. 19 авыл мәдәният йортыннан 5 объект буенча дәүләт контрактлары 18 мартта, 12 объект буенча 24 мартта узачак. 3 балалар сәнгать мәктәбе буенча - бу айның 21енә кадәр. Башка 5 мәдәният учреждениесе буенча контракт төзү - 17 мартка һәм икесе буенча 25 мартка планлаштырылган.

Алга таба - яшьләр сәясәте тармагы, аңа 34 объект керә. Алар буенча аукционнар узган. 8 яшьләр үзәге буенча контрактлар 17 марттан 24 мартка кадәр төзеләчәк. 13 балаларны савыктыру лагереның 5 объекты буенча дәүләт контрактлары төзелгән, калган 8 лагерь буенча контрактлар 18 мартка планлаштырылган. 4 яшүсмерләр клубының берсе буенча контракт төзелгән, калганнары буенча 24 мартка кадәр билгеләнгән. 9 психологик-педагогик ярдәм бинасыннан 5 объект буенча дәүләт контрактлары төзелгән, тагын 4әр 18-24 март көннәрендә төзеләчәк. Контрактланган объектлар өлешендә эшләр алып барыла. 3 балалар лагере буенча программа буенча төзелеш-монтаж эшләре 9% ка үтәлгән. Чаллы шәһәрендәге яшүсмерләр клубы буенча үтәлеш 8% тәшкил итә. Психологик-педагогик ярдәм үзәкләре буенча планлаштырылган эшләрнең 13%ы башкарылган. Монда 3 объект эшләнә. Яшьләр үзәкләре буенча программаның гомуми үтәлеше 16% тәшкил итә. Эшләр 4 объект буенча башланган.

Хезмәт, халыкны эш белән тәэмин итү һәм социаль яклау министрлыгы ведомствосындагы 80 объектның 31е буенча дәүләт контрактлары төзелгән һәм халыкны эш белән тәэмин итүнең 49 үзәге буенча аукционнар - 17 мартка, контрактлар төзү 28енә планлаштырылган. Социаль хезмәт күрсәтү учреждениеләре буенча төзелеш-монтаж эшләре 16%ка үтәлгән. Эшләр 16 объектта башланган.

«Экология» тармагының 22 объектында гидротехник корылмаларны ремонтлау, елгалар суларын чистарту һәм күлләрне чистарту эшләре башкарылачак: 17 объект буенча аукционнар уздырылган, дәүләт контрактлары 17 мартка планлаштырылган. 5 объект буенча контрактлар төзелгән. Эшләр ике объект буенча башланган - Нурлат һәм Спас районнарында. Алар буенча үтәлеш 25% һәм 36% тәшкил итә. 9 урманчылык, 5 ветеринария берләшмәсе, 5 авыл хуҗалыгы һәм азык-төлек идарәсе биналары буенча аукционнар узган, контрактларны 17 мартта төзү планлаштырыла. 20 спорт объекты, 5 янгын сүндерү-коткару бүлеге, 30 Эчке эшләр министрлыгы бинасы һәм «РосСельхозЦентр» федераль учреждениесенең бер бинасы буенча аукционнар узган, дәүләт контрактлары 24 мартка планлаштырылган.

Башка республика программалары кысаларында гамәлгә ашырыла торган 39 объектның 10сы буенча аукционнар үткәрелгән, контрактлар төзү 17 мартка планлаштырылган. Хәрби комиссариатларның 18 бинасы, ике муниципаль архив, ике җәмәгать судьялары бинасы һәм Росгвардия карамагындагы 7 бина буенча аукционнар уздырылган, дәүләт контрактлары бу айның 24енә планлаштырылган.

Күп фатирлы йортларга капиталь ремонт ясау программасын гамәлгә ашыруның барышы турында. 42 муниципалитетта 911 йорт күләмендә объектлар исемлеге төзелгән. Министрлык тарафыннан кыска сроклы планга үзгәрешләр кертү буенча Министрлар Кабинеты карары проекты эшләнгән, ул хәзерге вакытта килештерү процедурасын уза. Торак-коммуналь хуҗалык фонды тарафыннан электрон аукционнар үткәрү эше дәвам итә. 562 йортта подряд оешмалары билгеләнгән, шуларның 134ендә - лифт җайланмаларын алыштыру, 428ендә - төзелеш - монтаж эшләрен башкару каралган.