Рөстәм Миңнеханов Шанхай хезмәттәшлек оешмасы Генераль секретаре урынбасары Джанеш Кейн белән очрашты

Бүген Татарстан Республикасы Рәисе Рөстәм Миңнеханов Шанхай хезмәттәшлек оешмасы (ШОС) Генераль секретаре урынбасары Джанеш Кейн белән очрашты. Очрашу «Дөньяда кар барсын өйрәнү һәм саклау Көчләрне берләштерү" халыкара конференциясе тәмамланганнан соң Казан Ратушасында узды.

Очрашуны ачып, Рөстәм Миңнеханов билгеләп үткәнчә, кар барсы – Татарстан символы, ул табигатьнең көчен, батырлыгын, чисталыгын гәүдәләндерә. «Безнең мөһим чарада – конференциядә катнашуыгыз өчен сезгә рәхмәт белдерәм. Бу - төрле илләрнең экспертларын, галимнәрен һәм дәүләт органнарын берләштерү, кар барсын саклау буенча белем һәм тәҗрибә уртаклашу өчен уникаль платформа. Безне илебездә кар барсының киләчәге борчый. Әйе, бүген хәлне үзгәртергә мөмкинлек бирә торган адымнар ясала. Һәм без Шанхай оешмасы дәрәҗәсендә әлеге хайванны саклап калу программасын гамәлгә ашыру буенча көчләребезне хуплавыгыз өчен рәхмәтле булыр идек», - диде Рөстәм Миңнеханов, Кейн әфәндегә мөрәҗәгать итеп.

Шанхай хезмәттәшлек оешмасының хәзер формалашып килүче гадел күп поляр дөньяның куәтле үзәкләренең берсе булу өчен бөтен мөмкинлекләре бар, диде Рөстәм Миңнеханов.

Аның сүзләренчә, узган елның октябрендә Казанда узган XVI БРИКС саммиты мөһим вакыйга булды. Форум 36 дәүләт һәм 6 халыкара оешма җитәкчеләрен җыйды. Татарстан ШОСка кергән илләр - КХР, Казахстан, Кыргызстан, Таҗикстан, Үзбәкстан, Беларусь, Һиндстан, Пакистан һәм Иран белән актив хезмәттәшлек итә. «Без ШОСка кергән илләр белән актив эшлибез, - диде Рөстәм Миңнеханов. - Әгәр элек без гуманитар элемтәләр өлкәсендә эшләгән булсак, бүген кар барсы популяциясен саклап калу буенча да бергә эшлибез».

Рөстәм Миңнеханов искәрткәнчә, ШОС, Җир шарында яшәүчеләрнең яртысына якыны яшәгән илләрне берләштерүче абруйлы халыкара оешма буларак, киң танылган. ШОС эшчәнлеге төрле планлы характерда - иминлек мәсьәләләреннән алып туризмны алга җибәрүгә кадәр. Әйләнә-тирә мохитне саклау һәм биологик төрлелекне саклау мәсьәләләренә сизелерлек урын бирелә, диде Рөстәм Миңнеханов.

ШОС Генераль секретаре урынбасары Джанеш Кейн очрашу барышында 2012 елда Казанда булуын билгеләп үтте. Ул хәбәр иткәнчә, бу вакыт эчендә шәһәр тагын да заманчарак һәм матуррак була башлаган. ШОСның элеккеге генераль секретаре 2024 елның октябрендә шулай ук Казанда булды һәм БРИКС саммитында катнашты, дип искәртте Джанеш Кейн. "Киләчәктә дә сезнең шәһәрдә ШИС чаралары узар дип өметләнәм", - диде Джанеш Кейн әфәнде.

«Ирбис» ассоциациясенең гомуми җыелышы рәисе Али Үздәнов, Джанеш Кейнга мөрәҗәгать итеп, болай диде: "Сезнең монда булуыгыз безнең чарага аеруча зур әһәмият бирә. Шулай ук барлык илләрнең дә үз вәкилләрен җибәрүләре, конференциядә кар барсларын өйрәнү һәм саклау юнәлеше буенча үз программалары турында сөйләүләре дә куанычлы». А

лтай Республикасы Башлыгы, Хөкүмәте Рәисе Андрей Турчак шулай ук хәбәр иткәнчә, бүген төбәк кар барсын саклау мәсьәләләрендә катнаша. Ул билгеләп үткәнчә, Алтай Республикасы кар барсы популяциясен саклау юнәлешендә ШОС проектларында катнашачак.

Андрей Турчак Джанеш Кейн әфәндене Алтай Республикасына чакырды һәм хезмәттәшлек перспективаларын билгеләргә, шулай ук Кар барсы популяциясен үстерү һәм аңа ярдәм итү үзәге эше белән танышырга чакырды.